1 Samuel 22:13 - Nobonob Baibel

¹³ Ahimelek nug anam a amu, Saul nug nai nob ma aum. “Aɗinu na heppe, da nein qekkulnu hettem? Na Jesi bekka ele aa anam hettep. Aa heyaya, na nug ee mettona, qep elab ele mettame. Na ele keeke oh Dawit hekkunu amu, na Kayak amunu oɗ mettame. Na amu heme, amuppa na nug da waalppa ii daamanu, da oɗel tappeb nekkunu ɠagattag qettame. Am gemu nug da iweb mauhkkulnu ib maditte. Nug haen laa, danab ag nug ii anidtteb, haen amuppa amu, nug anam hekku,” awa aum.

1 Samuel 22:13 ပူးပေါင်းရင်းမြစ်များ

Sam 119:69

Am beɗup tak danab ag dahilnu hambuppueg, laa ag dahilnu nau dootteb, amge da meul ohppa nahip oo yaak nai ɗo bia, da nai amu dim lamidttem.

Amos 7:10

Amos nug nai amu mattie, Amasaia, Betelnu mana mettak danab, nug nai imu Israel dilag king Jeroboam toppa me ukkom. “Amos nug Israel danab ah oolagppa noa he, ag na kekeɗ mettaglagnu daatteb. Nug nai huan huan maditte, amu na nug uuidppe daakku, nuhig nai heeb, wan imu nauhkku.

1 Samuel 22:12

Ag gona Saul gumidna teeg, Saul nug Ahimelek amegppa inam aum. “Ahitup bekka, na nai da attem imu amu, na doye!” Nug anam a amu Ahimelek nug nai nob ma amegppa aum. “Ao, naɗi, da daattem,” awa aum.

1 Samuel 22:8

Ag oh da nein qekkulnu hetteb amunu, ag oolagppan laippu laa nug da amelppa nid dahil, nug Jesi bekka ele aa nug tituanak heya, aa geha layam hanhan daaglah amu, laa da amelppa amunu ii aum. Ag oolagppan laa dahilnu dabmaama, am dahil keekenu ele nakok ii dabmeum. Ag oolagppa laa nug da amelppa nid dahil nug maɗi nid dahil Jesi bekka amegppa, nug lokkuma da iweb mauhkkulnu, nug gemu hette bia amegppa aum amu, laa da amelppa ii aum.” Saul nug anam aum.