1 Samuel 22:12 - Nobonob Baibel

¹² Ag gona Saul gumidna teeg, Saul nug Ahimelek amegppa inam aum. “Ahitup bekka, na nai da attem imu amu, na doye!” Nug anam a amu Ahimelek nug nai nob ma amegppa aum. “Ao, naɗi, da daattem,” awa aum.

1 Samuel 22:12 ပူးပေါင်းရင်းမြစ်များ

2 Samuel 1:7

Ag anam hekkulagnu uɗin oiyegeg, Saul nug eɗua, da aniɗa, onilppa e, da wain, ‘Da aɗi hekkulnu oot daatte,’ awe oɗ mettami.

2 Samuel 9:6

Ag Jonatan bekka Mepiboset, Saul alag amu, ag nug omalna uɗieg, nug Dawit toppa ta, nug Dawit binag mekkunu Dawit noobppa dup noa, ikki wan yom. Nug anam he, Dawit nug oɗ metta, “Na Mepibosette?” awa oɗ mettom. Oɗ mette Mepiboset nug aum. “Ao, da Mepiboset, nahip maɗi nid,” awa aum.

Aisaia 65:1

Yawe Nug atte. “Danab laa ag dahilnu oɗmak ii heppig amu, da ahilagppa miag atiak tule bemi. Ao, danab laa ag da aniɗkkulagnu uɗat ii heppig ele, ag am da aniɗppig. Amu wanppan wan laihnu danab ag da ii unuqilppig amu, da ag amelagppa, ‘Da iikku daattem, da iikku daattem,’ ami.

1 Samuel 22:11

Doeg nug nai amu mattia male, King Saul nug nai me, Ahitup bekka, Ahimelek toppa ukke, nug, amu nug mameg baekkudppa ele oh ag geha nug gumidna uɗiglagnu aum. Danab amu oh ag am aab Nop, appa mana mettak danab daappig. Saul nug ag uɗiglagnu nai me ukke, ag uɗin, Saul gumidna beppig.

1 Samuel 22:13

Ahimelek nug anam a amu, Saul nug nai nob ma aum. “Aɗinu na heppe, da nein qekkulnu hettem? Na Jesi bekka ele aa anam hettep. Aa heyaya, na nug ee mettona, qep elab ele mettame. Na ele keeke oh Dawit hekkunu amu, na Kayak amunu oɗ mettame. Na amu heme, amuppa na nug da waalppa ii daamanu, da oɗel tappeb nekkunu ɠagattag qettame. Am gemu nug da iweb mauhkkulnu ib maditte. Nug haen laa, danab ag nug ii anidtteb, haen amuppa amu, nug anam hekku,” awa aum.

1 Samuel 22:7

Saul, am nuhikkud danab ele ag appa anam daanna, Saul nug nuhikkud danab amelagppa aum. “Ag Benyamin buɗub, ag doyeg! Jesi nug am Juda buɗubppanu danab, amu nug bekka king ba keeke, nug geha wan maha, am grep dad keeke ag madakkute? Nug geha king bekku dayeb amu, geha nug heeb, ag ban daup ikki bena, ag oolagppan laala ag geha danab 1,000 gumadnana, laala geha danab 100 gumadkkulagte? Iitta!