1 Samuel 20:6 - Nobonob Baibel

⁶ Geha da anam heppi, na mamen nug hobul haenppa da ii daattemnu dabma, nug na oɗ metteb amu, na inam appe doyaɗ! ‘Maɗ ohppa haen inamppa Dawit baekkudppa ag oh doɗ main, Kayak medatteb amunu, nug appag diigppa Betlehem ukka, geha nug baekkudppa ele oh daanna, haen amu ag mana mettak amu main, Kayak mettaglagnu nug da oo unuqagppanu oɗ meɗe, da nug amegppa, “Na ena gokkut,” ami. Da anam ai, nug ukkom.’

1 Samuel 20:6 ပူးပေါင်းရင်းမြစ်များ

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

1 Samuel 17:58

Dawit nug Saul gumitta ukke, Saul nug Dawit oɗ mettom. “Nid bau, na am danab aunnab bekka?” Nug anam a, Dawit nug amegppa aum. “Da am nahip maɗi nid Jesi bekka. Nug am Betlehem danab,” awa aum.

1 Samuel 20:28

Saul nug amunu ana oɗ mette, Jonatan nug nai nob ma aum. “Dawit nug Betlehem gokkunu oo unuqagppanu da oɗ meɗom.

1 Samuel 9:12

Amu Saul, nuhig maɗi nid ele aa anam oɗ mattaeh, ag appig. “Ge, nug geha iikku anuqa aabppa teum. Gemu ippan danab amu, ag aabnu mettid lag nakokppa doɗ laa main, Kayak mettaglag amunu, nug gemu ig appanigppa uɗiom. Nug gemuib uɗiom amunu, aa anidkkulahnu paha teiɗ!