1 Samuel 20:32 - Nobonob Baibel

³² Saul anam a amu, Jonatan nug nob ma mameg oɗ mettom. “Aɗinu geha na nug qeppe mauhkku? Nug aɗi eheɗ laa heum?” awa oɗ mettom.

1 Samuel 20:32 ပူးပေါင်းရင်းမြစ်များ

Genesis 31:36

Laban anam he amu, Jakop nug oo nauhe, Laban amegppa aum. “Da aɗi eheɗ hemi? Da nahip-ppa aɗi hipunin hemi amunu na inam huana dim lamiɗme?

Prowerb 22:24

Aib danab oppoɗilag paha paha bette ele layam batappig. Ao, na aib laa nug pahanab oo nauhtte, na nug ele daapiɗ.

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Matyu 27:23

Ag anam eppig, amge Pailat nug oɗ mattom. “Aɗinu? Nug aɗi eheɗ heum?” awa aum. Nug anam aum, amge ag huanak ena appig. “Ad emaitakppa atule!” appig.

Luk 23:22

Aria Pailat nug baula, amuam haen ewam, amelagppa aum. “Aɗinu? Nug ɗo tippalak aɗi heum? Nuhigppa ɗo tippalak laa, ig Nug qepput mauhkkunu da laa ii anidmi. Anam amunu, da heppi, nug bu mettak aweb, da heppi gokku,” awa aum.

Jon 7:51

“Ig ihinig ɗoppa danab laa hettoɗiakppa ii dayom haenppa, nug eheɗ heumnu akkunignu am elelete? Iitta. Nug keeke heum amu ig tatam doota, ig nug epeɗignig,” awa aum.

1 Samuel 18:11

Saul nug ban gudkkud aɗa dayaya, nug inam dabmeum. “Da geha ban dahil eppi ukka, geha Dawit tutukku ya, geha ban aeg ukka, laih matula ukka, lag gilil ya, Dawit gililppa qataqeeb daakku.” Saul nug anam dabma, nug ban eum, amge Dawit nug dekkaɗom; ban nug ii yom. Nug anam he, Saul nug ban eɗua eum, am Dawit eɗua dekkaɗom; nug tatam heum bia heum.

1 Samuel 19:4

Jonatan nug anam aum amunu, deɗ amu uue, wagɗe, deɗ amuppa nug mameg omala, dad okkai Dawit lokkuma dayomppa ukka, mameg amegppa Dawit nug uɗat ena heum, nug amunu amegppa anana, nug inam aum. “Dawit nug keeke eheɗ laa nahip-ppa ii heum. Iitta! Nug keeke heum amu, na ehanidkkunuib heum amunu, na, king, na nuhignu eheɗ laa hekkutnu amu, da ool ii daatte.

1 Samuel 19:5

Haen Dawit nug Goliat, Pilistia ted, nug ele ban heya, nug daakku, o nug mauhkku, nug amunu ii dabmeum. Iitta. Yawe ehanitte, nug ban ha, Pilistia amu qe mauhe, nug Israel aɗi oh ehanatte, ag ban naɗi amu eɗidppig. Dawit nug amu he, na nug anidna, na nuhignu gaman ahom. Nug am eheɗ laa ii heum amunu, na nug qeppe mauhkku amu, na nuhigppa hipunin hekkut. Am aɗinu na diig ena iittappa anam hekkut?” Jonatan nug Saul amegppa anam aum.

1 Samuel 20:1

Amu be dimppa amu, Dawit nug aab onig Naiot, Rama guguittak dayom amu, nug aab amu uua, nug Jonatan anidkkunu ukkom. Nug ukka, Jonatan gumitta ta, nug Jonatan oɗ mettom. “Da kobol nau aɗi hemi? Da ɗo aɗi tippalmi? Da keeke nau aɗi hemi amunu, na mamen nug amuppa guittak doyaya, gemu nug da iweb mauhkkulnu hette?” awa aum.

1 Samuel 20:7

Na geha mamen amegppa anam appe amu, nug, ‘Am ena, da nai iitta,’ akku dayeb amu, da, nahip maɗi nid, da am geha ena daakkul. Amge nug doya, nug amunu oo nauheb, na miag tutukku dookkut; na mamen nug da eheɗ heiɗkkunu dabmak awe ɠagattag eppom daatte.

1 Samuel 22:14

King Saul nug anam a amu, Ahimelek nug nai nob ma amegppa aum. “Nahipad maɗi nid oh ag nahipib dabmena oo metta ii uuak kobol dim lamidtteb, amge Dawit nug amu ha auta autanab aotte. Nug am na tanap, nug danab ag na gumidtteb ele amu, nug am amu dilag okkai. Laa ele, danab ah oh na lautppa daatteb, ag nuhignu ena elelenab dootteb.