1 Samuel 20:30 - Nobonob Baibel

³⁰ Jonatan nug anam a amu, Saul nug oo huana nauhe, nug aum. “Na eheɗ hekkutnu amu, na tiinppa daatte! Na am nai tappe nak danab daattem! Da na Jesi bekka ehanidttem iite doottem? Na nug ehanidnana, amuppa na nakka na onin he nauhe, amu na anin, nug na menuittom ele amu, na nug onig ele he nauhtte.

1 Samuel 20:30 ပူးပေါင်းရင်းမြစ်များ

Job 5:2

Danab nug Kayak dab-ii-maama ii dim lamidtte ele, nug laanu oo elele ii doyak ge iitta doyeye, kobol amu nug he nauhtte. Ao, danab nug doyak ii awak ele nug laan keekenu ameg qe, oo elele ii daatte, kobol amu he, nug mauhtte.

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Prowerb 19:19

Danab nug paha paha oppoɗi beebe, eheɗ hettenu amu, na uuppe bu awaɗ; amunu diig am, na nug bu aomanu ehanidkkut dayeb amu, na eɗun nug baubau ehanidkkutnu daakkut!

Prowerb 21:24

Danab nug dada danab, beɗuppa tak danab ele amu, nug onig am Awa Awa Qettak Danab; beɗuppa tak kobol nuhig am bodok iitta.

Prowerb 25:28

Danab nug nukka nug nuhig oiyak pehettak atognoak ii hette amu; amuam aab okkai laa aɗ loppaɗa, na qak daatte, amubia.

Prowerb 27:3

Men ag uulkad ele, ihi ele nug uug ele, danab maokkunu am uug dootte; amge danab nug Kayak dab-ii-maama ii dim lamidtte ele nug he, uug bette amu, danab uug amu maokkunu am uug naunab dootte.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

Epesus 6:4

Am nid mamelkad ag bekkalkad aɗelkad oppoɗi bak doomnanu ag tolittak tutukkuib matteg! Tolittak nau aib madappig. Iitta. Ag Naɗi nuhig nai ippunadnana, ib tutukkuppa omalatteg!

1 Samuel 20:29

Nug oɗ meɗaɗa, nug inam aum. ‘Da baeladppa ag geha doɗ laa manan, Yawe mettak hekkulagnu da awal ⌊matunu⌋ amu, nug da amelppa da goppi, ag ele oh daagnignunab aum. Anam amunu, da na noomppa da ena daattem dayeb, na ena appe, da geha Betlehem ukke, da awalad aɗi ag anadkkul!’ Nug da amelppa anam a amu, da nug amegppa ‘Amu ena, na ukke!’ ai, nug ukkom. Diig amuppa Dawit nug kingnu ee lanak imuppa ii daatte,” awa aum.

1 Samuel 20:31

Haen oh Jesi bekka wan imuppa dayebeb, na, nahip ɗo maɗoɗ ele am ɠagattag ii daama. Anam amunu, na gona, nug omalppe ippa uɗiaɗ! Aɗinu? Nug mauhkkuoitte!” awa aum.