1 Samuel 20:3 - Nobonob Baibel

³ Jonatan anam aum, amge Dawit nug nuhig nai ɠagattag qetta, nug nob ma amegppa aum. “Na mamen nug na dahilnu ena doottem dootte amunu, nug inam dabmette. ‘Jonatan nug da Dawit qeppi mauhkkunu hettem doya amu, nug ooppa guittak naunab dookku. Nug anam dookku amunu, nug aib amu doyom!’ Nuhig dabmak anam daatte amunu, nug da iweb mauhkkulnu hette amu, dabmak amuam nuhigppaib lokkumak daatte. Nug amu hette am, na nuhig dabmak amu ii doottem, amge Yawe genab bau daatte, na ele genab bau daattem, genab amubia na mamen nug da iweb mauhkkulnu hette; dahil mauhak amu miagnab daatte,” awa aum.

1 Samuel 20:3 ပူးပေါင်းရင်းမြစ်များ

2 Samuel 15:21

Dawit nug anam aum, amge Itai nug king aum, nug amu nob ma aum. “O dahil naɗi, dahil king, Yawe Nug genab bau daatte, dahil king na ele gemu genab bau daattem, genab amubia na adeppa gona daakkut, da, da nahip maɗi nid, da ele aguppa genab daakkul. Da anam hein, bau daakkultai, o da, da anam hein mauhkkultai, amge da dabmak ii baolipa,” awa aum

2 King 2:2

Aa digmeya goyaya, Elaiya nug Elisa amegppa aum. “Na inam daye! Aɗinu? Yawe Nug da Betel gokkulnu aum,” awa aum. Nug anam aum, amge Elisa nug aha, inam amegppa aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh Betel gopiɗ.

2 King 2:4

Aa Betel appa daayya, Elaiya nug Elisa amegppa inam aum. “Elisa, na inam daye! Aɗinu? Yawe Nug da Jeriko gokkulnu amelppa aum,” awa aum. Nug anam aum, amge Elisa nug aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh Jeriko aabppa gopiɗ.

2 King 2:6

Aa Jeriko appa daayya, Elaiya nug Elisa amegppa inam aum. “Na inam daye! Aɗinu? Yawe Nug da le Jodan gokkulnu amelppa aum,” awa aum. Nug anam aum, amge Elisa nug aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh gopiɗ.

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Jeremaia 38:16

Jeremaia nug anam aum, amge King Sedekaia nug eɗua, aɗi hekkunu nuhig nai ɠagattag qetta, Jeremaia amegppa aum. “Iitta! Yawe, Nug ig oh bau megatte amu, Nug genab bau daatte, genab amubia da iikku attem. Da na ii nidappi mauhmana. Laa ag nidappeg mauhkkutnu hetteb ele amu, da ag eppelagppa ele ii meidpa,” awa aum. Sedekaia nug nai amu Jeremaiaib dookkunu aum. Danab laa ii doyom.

Duteronomi 28:66

Ahilkad kekeɗ ag haen oh alet, ag aqaglagnu bappaidna daatteb amu, ag amu dooglag. Ag haen oh baɗak okkai dooglag. Ag abenppa niiglag amu, ag buttua bau ahaglagte, ag amunppa uɗat hekkulag amu, ag tueb bau daaglagte, ag amu ii doomna.

Duteronomi 6:13

Ag Yawe, ahilag Kayak, ag nuhignu ebehi oh bodoetta le mak doonna, Nugib waappa daanna Nug oɗe dim lamidkkulagoitte. Ag ahilag nai ɠagattag qettan akkulagnu henana amu, ag Nug onigppa ahilag nai ɠagattag qettaglagoitte.

Hibru 6:16

Aria, nai ɠagattag qetta anak kobol am inam. Danab nug nai nuhig danab laa onigppa ɠagattag qedatte. Danab laa am danab nai ɠagattag qedatte ele eɗittak amunu, danab laa nai nuhig ɠagattag qedatte amu, laanu nai nuhig nai eɗidmanu, nug laa nug eɗittak onig awa, attan ma nuhig nai onig amuppa ɠagattag qedatta, laanu nai okkultte.

1 Samuel 1:26

⌊Eli nug Hana ii doyom amunu,⌋ Hana nug amegppa aum. “O naɗi dahil, anukka ah laa nug uɗia, na heqon laihppa dayaya, Yawe unuqittom ele amu, ah amu am da iikkuib. Am ah laa iitta. Na genab bau daattem, genab amubia amu da am ah amu iikkuib.

1 Samuel 17:55

Aria, haen tatam Saul nug Dawit Goliat ele ban hekkulahnu ukkom antta, nug ban daup ikki anuqak Apner oɗ metta aum. “Apner, danab diig attemnab nug am nid bau inam mameg beum daatte?” awa oɗ mettom. Nug anam awa oɗ mette amu, Apner nug nob ma aum. “O king, na genab bau daattem, genab amubia da amu genab ii doottem,” awa aum.

1 Samuel 20:2

Dawit nug Jonatan amegppa anam mattie, amu Jonatan nug inam nob meum. “Da mamel nug nuhig dabmakppa na nidakkunu am iittanab iitta! Na ii mauhmana! Antte! Haen mama nug keeke okkai laa hekkunu oo daatte amu, nug tatam da amelppa atte. Awowa, dimppa nug hette. Anamib, haen nug keeke nakok laa hekkunu dabmette amu, amu ele, nug tatam da amelppa awowa, dimppa amu nug hette. Na attem amu, amu ele nug anam hekkunu dabmelo amu, nug ab, da doolom. Da doottem, mama nug na nitteb ii mauhmana! Iitta genab.” Jonatan nug anam aum.

1 Samuel 20:4

Amu Dawit nug Jonatan amegppa anam a amu, Jonatan nug Dawitnu nai nob ma aum. “Na da amelppa appe, da geha keeke aɗi na ehanidkkulnu hekkul amu, keeke amuam da geha hekkul,” awa aum.

1 Samuel 25:26

Amu O naɗi, Yawe Nug nahip ib oo ne, na nakka, na eppenppa laa nob nau ii mettan qee mauhom amu, Yawe Nug genab bau daatte, na ele genab bau daattem, genab amubia Yawe Nug heeb, nahip kekeɗ laa oh ag eheɗ heidkkulagnu hetteb ele amu, ag Nabal, ⌊gemu laa dilag neekkakppa nauib daatte,⌋ ag anamib daaglagnu ool daatte.

1 Samuel 27:1

Dawit, Saul ele aa anam daapiɗ, amge deɗ laa Dawit nug nukka ooppa dabmak awa, inam dabmeum. “Da inamib daakkul amu, haen laa Saul nug geha da iweb mauhkkul. Amu ii bemanu da ahen, Pilistia wanppa ukken daakkul. Da anam heppi, geha Saul nug ippa Israel wanppa da mattiɗkkunu bahi yeeb, da Saul eppegppa ii wapa,” dabmeum.