1 Samuel 20:19 - Nobonob Baibel

¹⁹ Na butti ee lanak amuppa ii daamna; laa ag anidna, ag amunu nakok dabmekkulag, amge laatu ele na ii daamna amu, laa ag anam anidna, geha ag dabmak kuɗum aoglag amunu, laatu amu, na gona, men naɗi, onig Eselnu men, anukka na amu guguittak lokkumna daame amu, na laatu ele appa baula lokkumna daye!

1 Samuel 20:19 ပူးပေါင်းရင်းမြစ်များ

1 Samuel 19:1

Am danab ah oh ag Dawitnu enanagnab dooppig amunu, Saul nug Jonatan amegppa, nuhikkud ehanittak amelagppa ele ag Dawit qeppeg mauhkkunu aum. Nug amelagppa aum, amge Jonatan nug Dawitnu enanagnab doyom,

1 Samuel 19:2

amunu nug ukka, Dawit antta, inam amegppa aum. “Na dabme! Da mamel Saul nug na mauhkkutnu aum amunu, butti buttua na dabmena autna awe! Na lokkumak aben ena aab okkai dimittim dad okkaippa anidna, na appa gona daye!

1 Samuel 20:18

Aria, aa amu heya maloya, Jonatan nug Dawit amegppa aum. “Butti amu, kalam baunu qagmak gamag ahak ele haknu haen. Na geha amuppanu ee lanakppa ii daamna, dayak balal nahip am hamu daakku amunu, laa ag ee lanak amuppa daanna, geha ag na ii daattem anidkkulag.

1 Samuel 20:20

Na gona, appa lokkumna daappe, ⌊aria dimppa haen da mamanu dabmak doye amu, da geha appa gokkul.⌋ Da ukke, amu keeke laa men heqoppa qaknu mak daalo, da lat doɗo ewam laa keeke amu qelomnu ewadppi gokkulag.

1 Samuel 20:35

Jonatan nug anam doya ukkom. Ukke, wagɗe buttua amu, nug aha, aab okkai dimittim, dad okkaippa Dawit anidkkunu, aa nai madipiɗ bia ukkom. Nug nid nakok laa ele awe, oh gopiɗ.

1 Samuel 20:5

Jonatan nug anam a amu, Dawit amegppa aum. “Antte! Butti am kalam baunu qagmak gamag ahak elenu deɗ, amu da geha king ele daaɗɗa, ee lakkunihnu daatte. Da hekkulnu aakku daatte, amge na appe, da geha ukke, aab dimittim dad okkaippa lokkumak aben eleppa lokkume daappi ukkeb, laatu tueb batak.