1 Samuel 20:15 - Nobonob Baibel

¹⁵ ⌊Amge haen gamag imuppa da mauhppi, dimppa haen na king bewona,⌋ na da baeladppa dilagnu oo mauhaknab doon, aqappe ii mauhmananu oɗ medattem. Ao, Yawe Nug heeb, nahip kekeɗ ohnab ag mauhadna malappeg amu, haen amuppa ele na da baeladppa dilag enaib hekkutnu oɗ medattem,” awa aum.

1 Samuel 20:15 ပူးပေါင်းရင်းမြစ်များ

Genesis 40:14

Amge haen na gona ena daanna amu, na dahilnu daut aib atiom. Na gona daanna, na dahilnu oo mauhaknab doon ehaniɗkkutnu, na Paro dahilnu amegppa appe, nug doya, da maniguittak imuppanu uhuqiɗkkunu oɗ medattem.

2 Samuel 21:7

Dawit anam aum, amge nug anukka Saul bekka Jonatan amegppa nuhig nai Yawe noobppa ɠagattag qetta, layam hanhan daaglahnu aum amunu, nug Jonatan bekka Mepiboset Gibeon danab eppelagppa ii meum.

1 Samuel 20:14

Amge da paha ii mauhkkul dayeb, ⌊amu dimppa na king bena,⌋ geha na Yawe hette, amubia na oo mauhaknab dahilnu doon dim lamidna ehaniɗppe, da duug wakppa ii mauhpanu oɗ medattem.

1 Samuel 20:23

Am nug tituanak i haen aɗit hemuɗ amu, Yawe Nug geha amu haen oh dabmedakku. Dabmettebeb amu, i oonihppanu laa nug nai amu tippaleb, aria Yawe Nugib nug epeɗidkku.” Jonatan nug anam aum.

1 Samuel 20:42

Aa gaaya maloya, Jonatan nug Dawit amegppa aum. “Na ena, oot maɗoɗ ele ukke! Aɗinu? I Yawe onigppa nug ehanittak hekkunihnu nai ɠagattag qeɗa amuɗ, amu Yawe Nug geha amu haen oh dabmedakku. Dabmettebeb amu, i oonihppanu laa nug nai amu tippaleb, aria Yawe Nugib nug epeɗidkku,” awa aum. Jonatan nug anam a, Dawit aha ugekke, Jonatan eɗua, aab okkaippa ukkom.

1 Samuel 24:21

Amunu na geha Yawe onig aon, nahip nai ɠagattag qettan, da alalad aɗi amu, na ag ii aqappe mauhkkulagnu appe dookkulnu ool daatte. Amu na mama baekkudppa, na da onil amuppanu heppe iitta ii mema ele ool daatte.” Saul nug anam aum.