1 Samuel 2:9 - Nobonob Baibel

⁹ Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.

1 Samuel 2:9 ပူးပေါင်းရင်းမြစ်များ

Job 18:18

Laa ag lamitteg, nug aben gatatu ele, aben amahlak iittappa wana daatte; nug wanppa baula ii daatte.

Job 40:13

Na heppe ag mauhna, wanppa niieg! Ge, na heppe, ag moɗppa niieg!

Job 5:16

Kayak anam hette amunu, daɗek ag ena bekkulagnu dabmak aɗan oiglagnu elele. Kayak anam hette amunu, nai doya mala, hettoɗia, epeɗia, elele ii mettak kobol iitta mette.

Job 5:24

Nahip lagnu amu, na maɗoɗ appa daakku dookkut; na nahipad keeke ebaqadna, laa qettoɗom ii anidmana.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Sam 105:37

Yawe Nug nuhig danab ah enaib Isipnu diie ahan, ag silwa, gol kuɗum akkan ele gonana, Israel dilag huu okkai oh oolagppa auntai laa eheɗ laa ii oiyom.

Sam 121:3

Yawe Nug na uuitteb, taataɗ ettan, nena ele ii qemana. Nugib na atognoitta, Nug ii niima.

Sam 121:5

Yawe Nugib na atognoidtte. Yawe Nug na heqon naɗiap-ppa dayaya ehanitta, uug laa bemanu atognoidtte.

Sam 121:8

Na laih wanan, appanu eɗun uɗippe, Yawe Nug na atognoidkku. Nug gemu, butti ele hanhan anamib hekku.

Sam 145:20

Yawe Nug aun aɗi ag nuhignu oolag mauhehe daatteb ele amu, Nug ag dabmadatte, amge aun aɗi ag nau hak danab daatteb ele amu, Nug ag hatte nauhtteb.

Sam 31:17

Da nahipnu unuqidmi amunu, O Yawe, na heppe, da uɗa nak ii doopanu da na oɗ medattem. Amge na heppe, nau hak danab ag uɗalag neeb, ag mauhna, moɗppa oɗelag qamutna niiglagnu unuqidttem.

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Sam 94:18

O Yawe, haen da, “Da nein qekkulnu hettem!” ami amu, na nahip oo mauhaknab kobolppa ehaniɗme.

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Prowerb 2:8

Nug danab ah ag nai doya mala hettoɗia epeɗia elele mettak kobol dim lamidna oitteb ele, Nug ag ehanatta, ena daaglagnu dabmadatte. Ao, nug danab ah ag nuhignu oo metta ii uuak kobol dim lamidtteb ele, Nug ag ena daaglagnu dabmadatte.

Eklisiastis 5:17

Nug keeke aɗi ena laa ii aotte. Nug oo doyak, oɗe qak, oo nauhak ele aakkuib doyaya andatta oitte.

Eklisiastis 9:11

Da keeke laa aam waappa bette anidmi. Amuam danab nug huana qaiedatte ele amu, nug hanhan resis haenppa laa oh ii eɗadtte; ele amu, danab nug ɠagattag ele, nug haen oh ban ii eɗidtte. Laa amu, danab nug doyak dabmak ena ele, nug hanhan ee elele ele ii daatte; ele amu, danab nug pahanab dabmak aokkunu elele amu, nug hanhan enub ele ii daatte; laa ele amu, danab nug sul okkai heum ele, nug laa oh dilag neekkakppa hanhan ena ii daatte. Amunu diig am, kobol digdig danab oh dilagppa deɗ laala laippun bette, ahilagppa ele bette.

Aisaia 27:3

Da Yawe, da grep dad amu gumattem. Da hanhan le medette, laa appa uɗia eheɗ laa hemanu amu, da haen oh amun tuqan ele gume daattem.” Nug anam akku.

Aisaia 47:5

Amu Yawe Nug tuɗitta atte. “Ag Babilon danab ah, ag toettan dayeg! Ag gatatuppa dayeg! Aɗinu? Danab ah oh ahilagnu baula, ‘Wan oh dilag okkai aakku,’ ii amana.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Nahum 1:8

Yawe Nug nuhikkud dilagnu anam hette, amge ui naɗinab na, keeke he nauhtte, amubia Yawe Nug heeb, Niniwe nauha auta autanab aokku. Ao, Yawe Nug kekeɗ nuhikkud lamattebeb, ag gatatuppa wakkulag.

Sepanaia 1:15

⌊Danab ah ag hipunin qetteb amunu, Yawe Nug oo nauhehe daatte. Anam amunu,⌋ Yawe Nug danab ah amu deɗ nuhig amuppa Nug ag bu madakku. Ao, danab ah ag oolagppa uug nau doon, ag oolagppa guittak naɗi, nau ele dooglag. Deɗ amuam deɗ uug ele, keeke he nauhaknu deɗ. Ao, deɗ amuam deɗ gatatu ele daakku. Deɗ amuppa lombig wan atu oh tonebeb, amahlak ii daama.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Namba 6:24

‘Yawe Nug itittak ena matta, ehanattebeb, ag enaib daaglagnu,

Matyu 8:12

amge Israel danab ah ⌊kuɗum⌋, ag geɗattak daan, gatatuppa gokkulag. Appa danab ag gaanna, aelkad emalna daaglag,” awa aum.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

2 Pita 2:17

Aria, hambuppuak ippunittak danab amu ag am lenag qaɗaiedappig bia; ag am bud ulah iwalatte gotteb bia ele amunu Kayak Nug aben gatatu teppu naunab ele ahilagnu babaittom daatte.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

1 Samuel 25:26

Amu O naɗi, Yawe Nug nahip ib oo ne, na nakka, na eppenppa laa nob nau ii mettan qee mauhom amu, Yawe Nug genab bau daatte, na ele genab bau daattem, genab amubia Yawe Nug heeb, nahip kekeɗ laa oh ag eheɗ heidkkulagnu hetteb ele amu, ag Nabal, ⌊gemu laa dilag neekkakppa nauib daatte,⌋ ag anamib daaglagnu ool daatte.