1 Samuel 2:8 - Nobonob Baibel

⁸ Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.

1 Samuel 2:8 ပူးပေါင်းရင်းမြစ်များ

Genesis 41:14

Grep titia leppu mettak danab nug anam a amu, Paro nug Josep uɗikkunu nai maniguittak nau gatatu eleppa me ukkom. Me ukke, ag paha Josep maniguittak amuppan aon uɗieg, nug id awa, lamen laa takka, Paro toppa ukkom.

Genesis 41:40

amunu, dahil lag enanagnu gumak uɗat oh amu, da na eppenppa mettem; na gumakkut. Dahilad danab oh ag na oɗen dim lamidkkulag. Daib am na eɗittak daakkul,” awa aum.

2 Samuel 7:8

Anam amunu, na gona, dahil maɗi nid Dawit inam appe doyaɗ! ‘Yawe Nukka Ɠagattag Oh Ele Nug inam atte. Na gikkiɗah dad okkaippa sipsip gumattette, da hei, na uɗat amu uun, dahilad danab ah, amu Israel danab ah, na ahilag king daakkutnu meidmi.

1 King 16:2

“Basa, na doye! Haen na danab onin iitta, keeke hamu laa bia daame amu, da na awitte hei, na dahilad danab ah Israel dilag king beme daattem. Amge Basa, na Jeroboamnu hak dim lamidna, na he, Israel ag ele hipunin heppig. Amu ag hipunin henana heeg, da oppoɗil beum daatte,” awa aum.

2 King 9:6

Propet nug anam a, Jehu nug ahe, aa lag ooppa noya, propet nug olip goɗen amu awa, Jehu igippa gokkaɗowa, nug Jehu amegppa aum. “Yawe, Israel dilag Kayak, Nug atte. ‘Gemu da na Israel dilag king bekkutnu goɗen gokkaɗakppa tituanidttem. Na geha dahilad danab ah Israel gumadkkut.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Job 2:8

Ihiud nug beɗuppa anam be, Job nug waa aoɗak qatti laa awa, uhuɗppa dayaya, waa qatti amuppa gaɗappa ihi naud ⌊nahig qeeqe⌋ lahaɗom.

Sam 102:25

Keeke oh digmak haenppa, na wan heme. Ao, na eppenppa hab ele heme.

Sam 104:5

Nug wan nuhig dayaknu abenppa meum amunu, wan laih wakkunu elele iitta.

Sam 107:41

Kayak anam heum, amge Nug daɗek danab ag uugppa daappig amu, Nug ag ehanatte, ag uugppa ii daappig, Nug ag baelkadppa he appatppig amunu, ag sipsip ameg naɗi bia daappig.

Sam 24:2

Aɗinu? ⌊Digmak haenppa leib dayom, amge⌋ Yawe Nug he, wan ba, le eɗitta dayom. Ao, Nug he, wan le eɗitta ba, ɠagattag dayom.

Sam 75:3

Haen wan nug uɗalele, danab ah wanppa daatteb ele ag uug doyegeg, daib da wan ɠagattag medattem. Sila.

Sam 75:4

Da beɗuppa tak danab amelagppa, ‘Ag anen anen akka akka ag ahilagnu binalag mak kobol uueg!’ awe attem. Ao, da nau hak danab dilag amu, da, ‘Ag ahilkad bannu keekeppa ban aib heppig!’ awe attem.

Sam 75:7

Amu Kayak Nug amunu attenu diig laa am, Kayak Nugib Nug danab dilag nai doya mala hettoɗiatta epeɗiatta elele madatte. Nug he, danab laa nug danab okkai daatte, Nug he, laa nug okkai daatte amu, nug na qa, onig okkai iitta daatte.

Eklisiastis 4:14

Aɗinu? Nid bau amu nug maniguittakppanu uɗia, wan amuppan king ba daakkutai, o laa king tiigppan doa, king daatte amu, nug daɗek mekkutai.

Aisaia 22:23

Geha da heppi, nug uɗat amuppa ɠagattagnab daakku; pin elab ad laa giɗoppa yaatteb, amubia. Nug baekkudppa oh binalag nuhignu aoglag.

Daniel 2:48

Nebukatnesar nug anam awowa, nug he, Daniel nug danab okkainab abenabppa te, king nug keeke ena ena kuɗum Daniel mettom. Nug he, Danab okkainab abenabppa teum amu, aben amuam nug prowins onig Babilon, nug prowins amunu danab ah dilag okkai daya gumattatta, nug Babilon wannu danab doyak ele oh ele gumattom.

Daniel 4:17

Danab ah ag Kayak Attannab Laa Oh Eɗattak Nug wanppanu ɗo maɗoɗ oh gumadtte dooglagnu, ag auntai laa nug ɗo maɗoɗ laa dilag okkai daakkunu amu, Kayak Nugib he, danab laa, danab onig eletai, o danab onig iittanab eletai, nug huu dilag okkai daatte dooglagnu amu, amu miag atitte. Nai awa ukkak danab ag nai imu mattieg, laa dootteb. Ao, laa ag Kayaknu oppiaawak ele daatteb, ag keeke imu bekkunu nai imu atteb,’ awa eum.

Daniel 6:3

Ewam amu ag laa anam gumadna daaegeg, Yawenu Ouɗi Daniel ehanittette, ewam amu oolagppa Daniel nug enanagnab he, King Darius nug antta, nug Daniel nug ɗo maɗoɗ oh nug gumom ele ⌊king waappa⌋ gumadkkunu maittak awom.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Revelesen 1:6

Nug ig Nug Mameg, nuhig Kayak ele, ig nuhig ɗo maɗoɗppan mana mettak danab meikkom amu, binag amahlak oppiaawak ele, ɠagattag oh ele nuhigppa hanhan alet ele dayaɗ! Genab.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.

Revelesen 5:10

Na he, ag ihinig Kayak waappa daan nuhig uɗat hekkulagnu ag king, amu mana mettak danab ele daatteb. Amu ag wan ele gumaglag.” Ag anam anana, ahi edappig.

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.