1 Samuel 2:7 - Nobonob Baibel

⁷ Yawe Nug he, danab laa ag keeke iitta ele daatteb; Nug he, danab laa ag keeke kuɗum ele daatteb. Ao, Nug he, danab laa ag onilag iitta ele daatteb; Nug he, danab laa ag onilag ele daatteb.

1 Samuel 2:7 ပူးပေါင်းရင်းမြစ်များ

2 King 9:6

Propet nug anam a, Jehu nug ahe, aa lag ooppa noya, propet nug olip goɗen amu awa, Jehu igippa gokkaɗowa, nug Jehu amegppa aum. “Yawe, Israel dilag Kayak, Nug atte. ‘Gemu da na Israel dilag king bekkutnu goɗen gokkaɗakppa tituanidttem. Na geha dahilad danab ah Israel gumadkkut.

1 Stori 29:12

Danab ag en okkai, binalag okkai ele amu, ag keeke amu na eppenppa aoppig oitteb. Na keeke oh ikki daattem. Na eppenppa ɠagattag, binag okkai awak ele daattep. Danab oh binag okkai, ɠagattag ele mattaknu amu, amuam na eppenppa aɗattem.

2 Stori 32:27

Hesekaia nug en naɗi ele, amu nug ele binag okkai ele. Nug en naɗi ele amunu, nug silwa, gol, men daden nob okkainab ele, spais, guppiɗ, amu en digdig laa ele appa maknu nug en maknu oo laala buuattom.

2 Stori 32:29

Kayak he, Hesekaia nug en okkai, naɗi ele amunu, nug aab laala kala hatta, nug makau, sipsip, meeme ele huanak awom.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Job 40:12

Genab, na dada danab ohnab neekkadna anadna heppe, ag danab nukka onig qe ne oitte bia dayeg! Ao, na nau hak danab oh ag daattebppa oɗoɗadppe, ag nauheg!

Job 5:11

Danab ag onilag iitta amu, Nug he, ag danab okkai daatteb. Ao, laa ag uugppa daatteb amu, Nug ehanatte, ag laa eppelagppa ii daatteb.

Sam 102:10

Aɗinu da anam dayeye hettem? Na dahilnu oppoɗin huana beum. Na da awiɗna mawiɗe, dimittim gomi.

Sam 75:7

Amu Kayak Nug amunu attenu diig laa am, Kayak Nugib Nug danab dilag nai doya mala hettoɗiatta epeɗiatta elele madatte. Nug he, danab laa nug danab okkai daatte, Nug he, laa nug okkai daatte amu, nug na qa, onig okkai iitta daatte.

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Prowerb 22:2

Enub danab, daɗek danab ele, ag oh keeke laippuppa, ag laippu daatteb; amuam Yawe Nug ag oh hattom.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Jeremaia 49:15

Amu gemu Yawe Nug atte. “Esau buɗub, da heppi, ag wanppan wan oh oolagppa nakoknab daaglag. Danab ag ahilagnu ena iinab dooglag.

Esekiel 17:24

Amu wanppan ad oh ag danab daaloblob, ag dahilnu inam doolob, ‘Nug Yawe, Nug he, ad elab ag tutu daatteb, amu Nug he, ad naunau ag elab tetteb. Nug he, ad bau ag bunaɗtteb, amu nug he, ad bunaɗak ag bau daatteb. “Da, Yawe, da nai madittem. Da aɗi keeke hekkulnu ami amu hekkul.” ’ ” Naɗi Yawe Nug anam atte.

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.