1 Samuel 2:5 - Nobonob Baibel

⁵ Yawe he, danab ag keeke oh ele amu, ag eɗun, keeke iitta ele daanna, ag danab laanu uɗat henana, ee daden mekkulagnu men doɗo aotteb. Ao, Nug he, danab ag enug daappig ele, ag gemu ee ele daatteb; ag enug iitta. Yawe Nug he, ah laa nug mattoi dayom amu, nug nid eblaih aɗit ele menuattom. Ao, Nug he, ah laa nug nid danab kuɗum menuattom ele, nug nid amu mahiadtte.

1 Samuel 2:5 ပူးပေါင်းရင်းမြစ်များ

Sam 113:9

Nug he, ah mattoi nug nid menuattatta, ah amu nug gamag ahak okkai doya, nug nug laugppa aakku daatte. Ag Yawe binag meig!

Sam 34:10

Am laion bau ag haen laala enug aqadtte, amge aun aɗi ag Yawe anidna dim lamidkkulagnu Nug maditteb amu, ag keeke ena laanu tutu ii memana.

Aisaia 33:9

Ihinig wan am nauhak daatte, appa danab ah laa ii daatteb. Lebanon appanu ad huanak bunaɗtteb. Atu onig Saron amu, gemu wan amuam atu Araba, am amubia daatte. Wan laih onig Basan, qauko nuhig Karmel appa amu, ad nauhegeg, uɗulag nena qetteb.

Aisaia 54:1

Yawe Nug atte. “Ah na oot keldoak, na nid menuaknu laa iitta, na ahi ette! Ao, ah na nid awaknu guittak deɗ laa ii doome ele, na ahi ettan, ootppa gamag ahak doon, na e! Aɗinu? Ah gemu nukkanab daatte, Nug am nid kuɗumnab, ebqak ahilag am ah gamu ele, nid ahilti dilag ebqak eɗittak ele daakku!

Jeremaia 15:9

Kekeɗ ag ah laa bekkod nid danab eblaih aɗit ele aqappeg mauhppeg, anilag nug gai-iitta ma, hik aokkunu elele iitta daakku. Tatam nug bekkod ele amunu, nug ehanittak, binag ele, amge kekeɗ heppeg, amu oh iitta mekku. Nug uɗa nak nau guittak ele doya, laa noolagppa nau daakku. Da heppi, Juda danab ah laa ag ban haenppanab ii mauhkkulag amu, ban dimppa kekeɗ ag ag aqadppeg mauhkkulag.” Yawe Nug anam awa atte.

Luk 1:53

Danab enug aqak dooppig ele amu Nug he, oolag dittiom. Ao, danab ag enulag ele amu, Nug aɗatte, ag keeke laa ii aɗappig, hamu goppig.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Galesia 4:27

Kayak naippa amunu nai laa inam daatte. “Ah na oot keldoak, na nid menuaknu laa iitta, na gaman ahaɗ! Ao, ah na nid awaknu guittak deɗ laa ii doome ele, na ootppa ena doon, oɗen oppatna ekkut! Aɗinu? Ah gemu nukkanab daatte, Nug am nid kuɗumnab, ebqak ahilag amu ah gamu ele, nid ahilti dilag ebqak eɗittak ele daakku.”

Rut 4:15

Na kaino meppe, nid imu nug ɠagattag nitta atognoidkku. Aɗinu? Na ahipan, nug nahipnu oo mauhtte, nug menuom. Na begapad eblaih aɗit ele daan ehanidlob amu, na ahipan nug nahipnu amu eɗittak hette,” aon appig.

1 Samuel 1:6

Yawe Nug he, Hana nug nid aokkunu elele iitta amunu, Elkana wau laa Penina, nug Hana awa awa qedatta, nug Hana nid aokkunu elele iittanu uug nau dookkunu, nug amunu ge iitta mattieye, Hana nug genab oo uug ele dayom.