1 Samuel 2:4 - Nobonob Baibel

⁴ Yawe he, ban danab ɠagattag ag gai-iitta, lat qiiom bia daatteb. Nug he, danab nena qeppig ele, ag eɗun ɠagattag daatteb.

1 Samuel 2:4 ပူးပေါင်းရင်းမြစ်များ

Sam 18:39

Na da dahil kekeɗ ele ban hekkunignu ɠagattag meɗame. Ao, na da ehaniɗe, da dahil kekeɗ eɗatti, ag da noolppa dup noppig.

Sam 37:15

Amge geha nau hak danab dilagnu amu, geha laa ag ahilkad qep elab ag eppelagppanu aɗadna aɗan, amuppa ag gamalkad otuladnana, ag lat ahilkad ele qiiglag.

Sam 37:17

Aɗinu? Yawe Nug heeb, nau hak danab dilag ɠagattag nauhkku, amge Yawe Nug danab ah genab tutukku hak kobol dim lamidtteb ele atognoadtte.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Sam 76:3

Am Jerusalem appa Nug kekeɗ dilag lat aeg qiialatta, Nug nuhig kekeɗ dilag guppiɗ, qep elab ele he nauheg, bannu keeke ele he nauhppig. Sila.

Aisaia 10:4

Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 40:29

Nug danab beɗu bodoettom ele ɠagattag medatte. Ao, Nug danab gai-iitta meum ele he, nug ɠagattag ele daatte.

Jeremaia 37:10

Ag Juda, ag imu ii hemana, amge Babilon daup ag aab imuppan danab aqaglagnu ban hetteb amu, ag Juda ag ahan, ag eɗadna, kuɗumnab aqappeg mauhlob, laib laib guittak okkai eleib ahilkad peh lagppa daalob, laib laib anam ag appan ahan uɗin, ag Juda eɗadna, aab okkai imu manappeg eolo.” Yawe Nug anam atte.

Jeremaia 51:56

Keeke he nauhak danab ag Babilon ele ban hekkulag. Kekeɗ amu ag Babilon daup eɗadppeg, ag eppelagppa daaglag. Kekeɗ ag Babilon daup dilag lat qiialadkkulag. Aɗinu amu bekku? Yawe Nug am Kayak Nug danab ah hipunin hetteb ele nob madatte amunu, Nug Babilon eheɗ heppig, Nug ag eheɗ amunu nob elele ag madakku

2 Korint 12:9

amge Nug da amelppa inam aum. “Dahil ehanittak okkai hamu medattem ele, amuppaib na elele daattem. Aɗinu? Dahil ɠagattag am danab ag gai-iitta daatteb ele, ag ɠagattag aon daaglagnu daatteb amu, dahil ɠagattag ahilagppa aakku uɗat enanagnab hette.” Naɗi Nug anam aum amunu, da ɠagattag iittanu ool uug ii daatte. Iitta! Da amunu Kristusnu ɠagattag aakkuib dahilppa daakkunu maɗoɗppan gamag ahakib doyeye, aɗi keeke da hekkulnu da gai-iitta daattem amu, da amunu onil humakkul.

Epesus 6:14

Ag ⌊Kristen anen anen, ag⌋ ɠagattag daaglagnu ag imu heig! Ag doyak diig genabib, matagiɗ imualagppa tagatteb, amubia takkeg! Ag genab tutukku hak kobol aona, qahaɗ palatteb bia ag momolag heppeg nauhmananu paleg!

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Hibru 11:32

Amu oh ag anam heppig amunu, gemu da aɗi nai laa tuɗitte madikkul. Amu da Gideonnu kaya, Baraknu kaya, Samsonnu kaya, Jeptanu kaya, Dawitnu kaya, Samuelnu kaya, amu propet dilag kaya ele madikkulnu elele amge haen iitta.

Hibru 11:34

Amu ag heeg, aab nau qauhppig. Ag qep elab aqamanu dekkaɗppig. Ag gai-iitta daappig, amge dimppa ag ɠagattag aoppig. Ag ban danab ɠagattag bena amu, ag aab laalappanu ban daup lamatteg goppig.