1 Samuel 2:35 - Nobonob Baibel

³⁵ Aa mauhkkulah, amge da heppi, danab laa, nug mana mettak uɗatnu oo metta ii uuak kobol dim lamitta, nug nuhig mana mettak uɗat da ool hette bia tutukku elele hekku amu, nug dahil mana mettak danab daakku. Nug dayebeb, da heppi, nug, nug buɗub ele ag mana mettak danab daaglagnu ɠagattag tuqa ii awak bia aɗaglag. Nug, nug buɗub ele ag king da eppelppa goɗen gokkaɗakppa tituanak aoglag ele, ag ag noolagppa dahil ɗo maɗoɗ uɗat hanhan hekkulag.

1 Samuel 2:35 ပူးပေါင်းရင်းမြစ်များ

2 Samuel 7:27

O Yawe Nakka Ɠagattag Oh Ele, na Israel dilag Kayak, na, ‘Da heppi, na, na buɗunad oolagppanu laala ele, ag ahilag haen anen anenppa, ag Israel dilag king hanhan bena daaglag,’ mattieye, aakku da doomi amunu, diig amuppa da na inam unuqidkkulnu ɠagattag awen, iikku unuqidmi.

1 King 1:45

Ag gona, mana mettak danab Sadok, propet Natan ele aa le qeppuɗia bette Gihon appa Solomon king daakkunu goɗen gokkaɗakppa tituanpiɗ. Anam goɗen gokkaɗakppa tituaneh, amu ag Solomon king daattenu gamalag ahehe, baalag okkaippa enana, muttub ele appanu uɗin, aab okkai Jerusalem noegeg, oqotti amu ag dootteb.

1 King 1:8

Aa ehanidkkulahnu apiɗ, amge danab laib laib laa, ag Adonaiya ele oolag laippu ii dayom. Amuam mana mettak danab Sadok, Jehoiada bekka Benaia, propet Natan, amu Simei, Rei, amu King Dawitnu gumak daup, ag ele.

1 King 11:38

Am na geha dahil haknunab nai oh dim lamidna, ib ena da tituanmi, amuppa na oinna, na ɗo nai oh, haknunab nai dahil ele dim lamidnana, amuppa na kobol oh dahil neekkakppa am ena ele heppe, dahil maɗi nid Dawit heum amubia, am da na ele daaɗa, da na ehanidkkul. Da heppi, na Israel dilag king daakkut. Am haen oh geha, da heppi, na buɗunad oolagppanu laala ag ahilag haen anen anenppa ag geha king daaglag. Da Dawitnu hemi amubia heinne, Israel medappi gumadkkut.

1 King 2:35

Amu King Solomon nug Benaia awa, Joap abenppa ban daup ikki anuqak meum. Benaia nug Jehoiada bekka. Am King Solomon nug mana mettak danab Abiatar abenppa, mana mettak danab Sadok otiom.

1 Stori 29:22

Amu deɗ amuppa danab ag Yawe noobppa daanna, ag gamag ahak okkai doon, ag ee, le ele lappig. Amu ag deɗ amuppa ele Dawit bekka Solomon, nug king daakkunu baula anana, ag Yawe noobppa goɗen gokkaɗakppa tituanppig. Laa ele ag Sadok nug mana mettak danab daakkunu goɗen nug igippa gokkaɗppig.

Sam 18:50

Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Amuam Nug da, Dawit, amu da buɗulad dilagppa hanhanib anam hekku.” Dawit nug anam aum.

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

Esekiel 34:23

amu da geha king laippu laa, dahil maɗi nid Dawit, ag madappi, nug ag atognoadkku. Nug geha sipsip gumak danab laa, nug nuhikkud sipsip gumadtte, amubia ag gumadkku.

Namba 25:13

amu tituanak amuam iikku. Nug danab ah ag da, Kayak, da diilnu eheɗ doomnanu yag-nab-bak doya heum amu, nug anam heumppa nug Israel danab ah dilag eheɗ haknu nob nau iitta mekkunu he elele mettom amunu, nug, amu nug buɗub ele, ag geha hanhan mana mettak danab daaglagib,” awa aum.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.

1 Samuel 10:9

Samuel nug anam a, Saul nug eɗua, Samuel uuitta gokkunu heehe, Kayak he, Saul oo eɗuom. Amu deɗ amuppa Samuel nug aɗi kobol bekkulagnu aum amu, at oh ag bena malappig.

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 2:36

Keeke amu oh beeb, aun aɗi ag na buɗunadppa daaglag amu, ag oolagppanu laa nug uɗia, mana mettak danab da heppi daakku ele amu, ag anen anen nug noobppa dup nona, nug ag silwa toea laippu, amu bret gaɗa laa ele madakkunu oo doyakppa oɗ mettaglag. Oɗ mettan, ag anen anen akkulag, “Na hena, da mana mettak uɗat laa meɗappe heinne, da amuppa ee aolomnu, oɗ medattem.” Na buɗun ag anam akkulag.’ ” Kayak Nug nuhig danab oɗeppa Eli amegppa anam aum.

1 Samuel 25:28

O naɗi, da, da nahip maɗi ah amu, da na dahil eheɗ hak uhuqna meɗakkutnu oɗ medattem. Aɗinu? Na, na am dahil naɗi, na hanhan ukke, Yawe Nug oo hette amubia na gona, Yawenu kekeɗ ele ban hena aqadttem amunu, Yawe Nug geha heeb, na, na buɗunad oolagppanu laala ele ag ahilag haen anen anenppa ag geha king daaglagnu ɠagattag tuqa ii awak bia aɗaglag. Anam bekku amunu, gemu haen na daattem imuppa, laa nug nai genab geha ana, ‘Dawit nug eheɗ heum,’ akkunu elele daakkunu da ool ii daatte.

1 Samuel 3:1

Aria, nid danab Samuel nug Eli waappa dayaya, nug Yawe noobppa Yawenu ɗo maɗoɗ uɗat heum. Amu haen amuppa amu, Yawe Nug deɗ laippu laippuib he, danab laala ag tul niinna, ag nuhig nai ib amuppa dooppig. Nug haen kuɗum anam ii heum; haen laippu laippuib heum amunu, haen amuppa Yawe Nug nai haen kuɗum miag ii atiom.

1 Samuel 7:9

Ag anam aeg, Samuel sipsip nag, anig huh lanan dayom ele laa awa, qe mauhe, nug doɗ amuppa manaknu ofa kunum heum. Nug mana medatta, nug Yawe Israel ehanadkkunu unuqitte, Yawe doyom.

1 Samuel 8:3

Aa anam hepiɗ, amge aa mamelah ippu ippuanatom ele amu, aa ib amu ii dim lamidpiɗ. Iitta. Aa men doɗo ib ena iittappa aoglahnu hepiɗ. Aa danab ag epeɗiak uɗat hekkulahnu uɗippig, haen amuppa aa lokkumakppa eheɗ haknu ehanittak aopiɗ. Aa nai doya mala hettoɗia epeɗia elele mettak kobol amu, aa amu dab-ii-mepiɗ; aa men doɗonu aakkuib dabmepiɗ. Diig amuppa amu, aa epeɗiak tutukku iinab hepiɗ.

1 Samuel 9:12

Amu Saul, nuhig maɗi nid ele aa anam oɗ mattaeh, ag appig. “Ge, nug geha iikku anuqa aabppa teum. Gemu ippan danab amu, ag aabnu mettid lag nakokppa doɗ laa main, Kayak mettaglag amunu, nug gemu ig appanigppa uɗiom. Nug gemuib uɗiom amunu, aa anidkkulahnu paha teiɗ!

1 Samuel 9:13

Amu aa goya, aabppa teya, ooppa noyaya, aa nug anidkkulah. Nug aabppan mettid lag nakokppa, danab laa ele mana mettaknu doɗ lakkulag amunu, aa ig amut bia hekkulah dayeb, aa nug aben amuppa ii tak haenppa anidkkulah. Aɗinu? Nug teppu amu ititteb, danab ag aakku lakkulag; tatam ii itittom haenppa ii lamana. Aa paha teiɗ! Aɗinu? Aa anam hekkulah amu, aa haen amuppa anidkkulah,” aon appig.