1 Samuel 2:34 - Nobonob Baibel

³⁴ Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.

1 Samuel 2:34 ပူးပေါင်းရင်းမြစ်များ

1 King 13:3

Kayaknu propet nug nai amu mehuqowa, nug nai imu, ippuanattaknu at daakkunu, nai imu ele mattia, nug nai tuɗitta inam aum. “Yawe Nug ippunittaknu at imu babaittom daatte. Qaɗab imu amu, Yawe Nug heeb, qaɗab imu nug oppateb, uhuɗ wanppa gokkaɗa nokku,” awa aum.

1 King 14:12

Am Ahaiya nug Yawe nai aum amu Jeroboam wau amegppa awowa, nug tuɗitta inam ele aum. “Gemu na eɗun appanppa ukke! Na gona, na nahip aab okkaippa nobeppe amu, geha nahip nid amu mauhkku.

Luk 2:12

Ag Nug anidkkulagnu epponak keeke amu inam. Nug anig Nug lamen elabppa ehakka, doɗ dilag ee lanak taɗaɗ ooppa me niitte,” awa aum.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 2:33

Amu na buɗunppan danab aun laa da uuppi, nug mana mettak danab daakku amu, nug uug huanaknab, oo doyak okkainab ele doyaya oiyebeb, ameg leb ele nekku. Amu na buɗunppan danab laa nug kaino mewowa ii mauhma; nug paha mauhkku.

1 Samuel 3:12

Da kobol amu hekkul ele am inam. Da uug aɗi aɗi Eli, nug buɗub ele, da ag uug madakkulnu ami amu, da amu ohnab hekkul. Da laippu laa iinab tippalpa.

1 Samuel 4:11

Pilistia ag Israel eɗadnana, ag Kayaknu Tituanak Nainu Kunup aonna, ag Eli bekoɗ Hopni, Pinias ele, ag aa ele aqateg mauhpiɗ.

1 Samuel 4:17

Eli nug anam a, danab nug nai awa uɗiom ele amu, nug aum. “Pilistia dilag daup ag ban henana, ag Israel eɗadna aqaegeg, Israel huanaknab mauhadna, Israel ag aakku oolppig. Amu na begapaɗ Hopni, Pinias ele, aa ele mauhpiɗ, amu Pilistia ag Kayaknu Tituanak Nainu Kunup ele aoppig,” awa aum.

1 Samuel 4:21

Nug nai amu hamu doya, nug, “Kayaknu binag amahlak oppiaawak ele Israel ooppanu ukkom,” anana, nug nid onig Ikabod ataɗom. Nug anam aumnu diig am, Pilistia ag Kayaknu Tituanak Nainu Kunup aon goppig, amu nug gamu, gamu mameg ele oh mauhpiɗ.

1 Samuel 4:22

Nug nid onig Ikabod ataɗaɗa, nug aum. “Pilistia ag Kayaknu Tituanak Nainu Kunup aon goppig amunu, Kayaknu binag amahlak oppiaawak Israel ooppanu ukkom,” awa aum.