1 Samuel 2:32 - Nobonob Baibel

³² Amunu, na da daattemppa amu, na amuppa uug nau anidkkut. Da heppi, Israel danab ah ag ena oiglag, amge na buɗunppan danab laa, nug kaino ma iinab oimna.

1 Samuel 2:32 ပူးပေါင်းရင်းမြစ်များ

Sekaraia 8:4

Yawe Nukka Ɠagattag Oh Ele Nug inam atte. “Danab ah kainonab, ag hokkat ele oitteb amu, ag eɗun Jerusalem, appa ib giginppa hokkat aɗaladna, heɗep nena daaglag.

1 Samuel 2:33

Amu na buɗunppan danab aun laa da uuppi, nug mana mettak danab daakku amu, nug uug huanaknab, oo doyak okkainab ele doyaya oiyebeb, ameg leb ele nekku. Amu na buɗunppan danab laa nug kaino mewowa ii mauhma; nug paha mauhkku.

1 Samuel 4:11

Pilistia ag Israel eɗadnana, ag Kayaknu Tituanak Nainu Kunup aonna, ag Eli bekoɗ Hopni, Pinias ele, ag aa ele aqateg mauhpiɗ.

1 Samuel 4:22

Nug nid onig Ikabod ataɗaɗa, nug aum. “Pilistia ag Kayaknu Tituanak Nainu Kunup aon goppig amunu, Kayaknu binag amahlak oppiaawak Israel ooppanu ukkom,” awa aum.

1 Samuel 4:4

Ag anam appig amunu, ag heeg, danab ag Silo gona, ag Kayaknu Tituanak Nainu Kunup kontrak inak ele, Yawe Nukka Ɠagattag Oh Ele, Nug appa sia king nuhigppa, engel okkai-kerubim aɗit dottolah gamalahppa daatte amu, ag amu aon uɗippig. Eli bekoɗ Hopni, Pinias ele, aa ele uɗipiɗ.