1 Samuel 2:3 - Nobonob Baibel

³ Na dada danab dilag nai tuɗidna, aib mattime. Ao, na hib guitta qak nai mattiak uue! Aɗinu? Yawe, Nug Kayak genab, Nug keeke oh dootte. Ao, Nug danab dilag hak epeɗidtte.

1 Samuel 2:3 ပူးပေါင်းရင်းမြစ်များ

1 King 8:39

amu Yawe na, na dayak aben nahip, amuam hab aab, na appa daanna, unuqittak amu dookkutnu ool daatte. Doon, hipunin attem daatte amu, na uhuqna mekkan, am ehanittak elele ele hekkutnu ool daatte. Na anam henana amu, na nakkaib danab ah oh dilag dabmak doottem amunu, na dabmak amu anidnana, na ag anen anen kobol heppig ele, na amuppa na ag melemel elele mattan, na ag kobol heppignu nob elele madakkutnu oɗ medattem.

Sam 147:5

Ihinig Naɗi am onig, ɠagattag ele! Nug ebehi okkai ele! Diignu doyak tutukku nuhig am okkainab; am batak iitta ele!

Sam 17:10

Kekeɗ dahilad ag oo gai-iitta doya oo metta ehanittak kobol iinab hetteb. Ag akka ag oɗelagppa ag beɗuppa tak nau nai madittem.

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.

Sam 75:5

Ge, ag laa hab attan daatteb ele, ag ag ele aib ban heppig. Ao, ag beɗuppa tak kobol, nai tappe nak kobol ele dim lamidnana, nai mattiak aib heppig.” Kayak Nug anam atte.

Sam 94:4

Ag am beɗup tak danab nau daan, ag beɗup tak danab ah nau bia nai maditteb. Ao, nau hak danab ah ag dada danab dilag nai mattinna daatteb.

Prowerb 16:2

Danab nug nuhig haknu, “Da iikku ena, tutukku hettem,” dabmette; amge Yawe Nug diig aɗinu nug hette am epeɗidtte.

Prowerb 24:12

Na ⌊hambuppuna⌋, “Ig amunu aɗitai laa ii doomut,” akkut dayeb; Kayak, Nug danab oh dilag dabmak anidtte, Nug nahip nai amu, am nai tutukku iitta iite dootte? Kayak, Nug na ehanitte, na bau daattem, Nug nahip hak iite dootte? Ao, Nug geha danab anen anen ag aɗi heppig, Nug amunu nob iite madakku?

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Aisaia 26:7

Ib genab tutukku hak danab ah dim lamidtteb ele, ib amuam tak nak okkai, o tak nak naunau laa iitta. O Yawe, na haen oh kobol genab tutukkuib hettem amu, na genab tutukku hak danab ah dilag ib ena babaittette, tak nak laa ii dayeye, ag amuppa oitteb.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Esekiel 35:13

Ag dada danab daan, dada danab nug layagnu nai nau maditte, amubia ag wan da Israel, Juda ele mattami aoglagnu mattinna, dahilnu nai nau huanak appig, amge da nai amu oh ele doomi,” awa atte.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Daniel 5:27

Tekelnu meu am, skelppa uug gane doyak. Danab nug keeke skelppa ma, uug elele iitta anidtte, amubia Kayak Nug nahipnu elele ii dootte.

Malakai 3:13

Yawe atte. “Ag nai nau mattin yaaiɗtteb,” awa atte. Nug anam atte, amge ag Nug amegppa atteb. “Ig aɗi nai nau mattit yaaidttem?” aon atteb.

Hibru 4:12

Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.

Josua 22:22

“Yawe Nug nukka aakkuib am Kayak! Yawe Nug nukka aakkuib am Kayak! Ig Yawe waappa daagnignu uut, nuhig nai tabapput nekkunu qaɗab imu ii hemut. Ag ig genab Yawe waappa daat, nuhig nai tabapput nekkunu hemut anigtteb dayeb amu, ag gemu ig iqappeg mauhtu! Amge anam iitta. Yawe Nug ig Nug dimettata, kayak laa dim lamidkkunignu ikka ihinignu qaɗab imu ii hemut dootte. Nug dootte amu, ig ag Israel laa oh ele amu dooglagnu oonig daatte. Ig qaɗab amu hemut, amge ig manaknu ofa, o ee aegnu ofa, o laippu dayaknu ofa amuppa ii hemata. Yawe Nug neekka, ig kobol laa amu hekkunignu hemut anigkku dayeb amu, Nug ig bu megakkunu oonig daatte, amge anam iitta.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Ikki Danab 9:38

Gal nug anam a amu, Sebul nug eɗua awa, amegppa aum. “Tumai na nai okkai okkai, hamu hamu mattime amu, gemu nai amunu am attemun? Am laa nug, ‘Abimelek am aun? Ig nug waappa daat, nuhig maɗi nid daagnignu am ena iitta amunu, ig anam aib daamut,’ aum, am na iittate? Danab na ag aon aon aqame ele amu, ag aab okkai dimittim aakku daatteb! Na dimittim goppe, ag ele nug qeig!” awa aum.

1 Samuel 16:7

Samuel nug ooppa anam aum, amge Yawe Nug Samuel amegppa aum. “Na nid imu, nug beɗu, iɗu ele ena anidna, ‘Imuam king daakku,’ aib ame! Aɗinu? Da nug king daakkunu geɗidmi. Da amu heminu diig am, da danab keeke anidna epeɗitteb, da amubia ii hettem. Iitta. Ag am keeke dimittim amuib anidna epeɗitteb. Da am danab oolag anidttem,” awa aum.