1 Samuel 2:28 - Nobonob Baibel

²⁸ Haen amuppa da na alan anukkanu onig Aron, Israel dilag huu okkai ohppanu, da nug mana mettak danab daakkunu, nug dahil qaɗabppa dahil uɗat hekkunu, nug kalu danab ile muttuɗig enanag bette manakkunu, nug lamen enanag-epod tagakka, da noolppa oikkunu tituanmi. Amu aakkuib iitta. Da Aron buɗub oh ag mana mettak danab daaglagnu ain, da ag doɗ oh, Israel danab ah ag aab aɗunu ofa henana, manan da meɗaglagnu aon uɗitteb ele amu, da doɗ amu ohppanu teppu maha, ag Aron buɗub daatteb ele, da ag lakkulagnu maha amu mattami.

1 Samuel 2:28 ပူးပေါင်းရင်းမြစ်များ

2 Samuel 12:7

Dawit nug anam a amu, Natan nug eɗua amegppa aum. “Danab kobol nau amu heum am naib! Yawe, Israel dilag Kayak, Nug na amenppa atte. ‘Da na Israel dilag king daakkutnu goɗen gokkaɗakppa tituanitti, na king daattem. Da hei, Saul ii nitte mauhme.

2 Samuel 6:14

Amu Dawit nug lamen enanag-epod linenppa hak takka, nug anam dayaya, nug Yawe noobppa nuhig ɠagattag ohppa ahi goɗom.

Eksodas 28:1

Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!

Eksodas 28:4

Ag amu hekkulagnu amu, na ag amelagppa appe, ag momo tonaknu lamen, ag lamen enanag-epod, ag lamen elab, aria lamen nakok elab, ag igippan lamen, amu ag lamen imuagppa matagiɗ bia qagakkunu ele koitatteg! Ag mana mettak lamen Aronnu amu hewona, amu nug bekkod nid danab dilag ele geha hadappeg, ag Aron ele dahil mana mettak uɗat hekkulag. Lamen amu oh am hamu hamu maknu lamen iitta. Iitta. Ag dahilnu tituanak daatteb, Aron bekkod ele ag dahil uɗat hekkulagnu henana, ag takkaglag.

Eksodas 30:7

Ag anam meppeg, aria deɗ oh buttua, Aron nug geha ukka, lam bappalatta, haen amuppa nug kalu danab ile muttuɗig enanag bette ele qaɗabppa maneb, kahug muttuɗig ena taɗ!

Eksodas 30:8

Nug buttua anam hewowa, nug tuebnab lam amotkkunu uɗia, amu haen amu ele nug kalu danab ile muttuɗig enanag bette ele manakku. Am buɗub buɗub doobob, hanhan maɗ ohppa daakkunu, nug buttua da, Yawe, da noolppa kalu danab ile muttuɗig enanag bette ele manom, anamib aakku tueb ele hekku. Ao, dimppa haen oh anamib dayaɗ!

Lewitikas 2:10

Ee aegnu ofa, amunu maha laa oh amu, ag Aron, bekkod ele, ahilag ee daakkunu mattaglag. Mana mettak imunu maha amu, am mana mettak oh ag Yawe mettaknu aab aɗunu ofa hetteb, ofa amu oolagppan maha laala am Yawenu tituanaknab daatteb, amu maha Aron bekkod ele aoglag amu, am amunu laa aakku.

Lewitikas 2:3

Ee aegnu ofa, amunu maha laa oh amu, ag Aron bekkod ele, ahilag ee daakkunu mattaglag. Mana mettak imunu maha amu, am mana mettak oh ag Yawe mettaknu aab aɗunu ofa hetteb, ofa amu oolagppan maha laala am Yawenu tituanaknab daatteb, amu maha Aron bekkod ele aoglag amu, am amunu laa aakku.

Lewitikas 6:16

Plaua eppeg laippuppa appuom amu, plaua amu manak malak, plaua biig laih oh am Aron, bekkod ele dilagnu ee daakku. Plaua amuppa bret yis iitta hak dimppa, ag mettid haknu peh lag danab ah appa qagmetteb ele, lag amu haɗap-ppa, aben amuam Yawenu tituanak daatte amu, ag appa lakkulagnu daakkuoitte. Aben amuam Kayaknu tituanak daatte amunu, ag appa lakkulag.

Lewitikas 7:32

Ag laippu dayaknu ofa hetteb amu, amuppanu ag tuɗi naɗiap aon, ag mana mettak danab hamu mettaglag.

Lewitikas 7:36

Mana mettak danab ag goɗen gokkaɗakppa tituanak aoppig, haen amuppa amu, Israel ag ahilkad teppu epeɗiak amu hanhan mana mettak danab mattaglagnunab, Yawe Nug ag ɗo mattom. Ɗo amu buɗub buɗub doobob, ahilagnu hanhan daakkunu daatte.

Namba 16:5

Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Namba 18:19

Gemu digma ukkak, Israel ag mana mettak hena, ag amu aon, da, Yawe, ag da meɗatteb, mana mettak amu ag dahilnu tituanak daatteb ele amu, geha laih ahilag daakkunu ami ele amu, laih amuam da ag, ag bekkalkad, amu ag aɗelkad ele, ahilag hanhan daakkunu madattem. Nai imuam dahil nug tituana nai qakkak tuqa awak laa iitta ele, amu ag, ag buɗulkad ele, ahilagppa daakku, am iitta ii mema,” awa aum.

1 Samuel 14:3

Aria, danab Saul ele daappig amu, ag oolagppan laa am Ahaiya, nug am mana mettak danab, nug lamen enanag-epod takkom. Ahaiya mameg am Ikabod awag Ahitup. Aa mamelah am Eli bekka Pinias. Eli am Yawenu mana mettak danab, Silo dayom. Danab 600 Saul ele daappig amu, ag oolagppan laa, nug Jonatan ukkom ii doyom.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.