1 Samuel 2:23 - Nobonob Baibel

²³ Eli nug nai amu doya, nug aa amelahppa aum. “Aa kobol nau heeheh, danab ah ag amunu mattiegeg doottem amu, aɗinu aa anam hettep? Aa kobol nau hettep.

1 Samuel 2:23 ပူးပေါင်းရင်းမြစ်များ

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

1 Samuel 2:22

Aria, Eli nug kaino ma malom; nug am danab kainonab. Nug anam dayeye, danab ag nug bekoɗ aa Israel danab oh dilagppa kobol eheɗ hepiɗnu mattiegeg doyeye, aria ah ag mettid haknu peh lag danab ah appa qagmetteb ele, ah ag peh lag amu odppa laa dabmattanna, ehanadkkulagnu daappig amu, Eli bekoɗ aa ah amu ele niiegeg, ag amunu ele mattiegeg, Eli doyom.

1 Samuel 2:24

O da bekkalaɗ, aa hettep am nau. Aa nau am aib hepiɗ. Genab, nai ag aeg doomi, Yawenu danab ah oh ele dootteb amu, nai amuam ena iitta.