1 Samuel 2:21 - Nobonob Baibel

²¹ Eli nug anam mattie ukke, Yawe Nug Hananu dabmaama ehanittom amunu, nug nid laala, nid danab ewam, amu nid ah aɗit ele menuattom. Nug nid amu menuatta dayeye, nid danab Samuel nug Yawe noobppa ena meum.

1 Samuel 2:21 ပူးပေါင်းရင်းမြစ်များ

Genesis 21:1

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Prowerb 3:4

Na anam hekkut dayeb, na Kayaknu neekkakppa, danab ah dilag neekkakppa ele, na danab diignu doyak tutukku ele daakkut.

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Luk 1:80

Aria, dimppa nid nug ena meeme, Kayak Ouɗi Nug ehanittom. Ehanittette, nug atu taɗakppa dayaya, dimppa Israel amelagppa Kayak nai digma mehuqom.

Luk 2:40

Gona daanna, nid ena ma, doyak dabmak ena okkainab awa, ɠagattag ele awe, Kayaknu ehanittak okkai hamu megatte amu, nuhigppa dayom.

Luk 2:52

Amu Jesus Nug ena meeme, nuhig doyak ele okkai meeme, Kayak noobppa, danab noolagppa ele Nug ena oiya, tuɗitta he, ena dooppig.

Ikki Danab 13:24

Manoa wau anam aum, haen ugekke, aa bekkalah do, aa nug onig Samson ataɗeh, Yawe nid amu itittette okkai meum.

1 Samuel 2:26

Eli bekoɗ aa anam hepiɗ, amge nid danab Samuel nug ena maama, Yawe noobppa, amu danab noolagppa ele nug ena oiya, am tuɗitta he, enaib dooppig.

1 Samuel 3:19

Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.