1 Samuel 2:14 - Nobonob Baibel

¹⁴ nug huɗup amu biliken ooppa ye no, aɗi teppu yom ele amu, nid amu nug teppu amu awa ukka, Eli bekoɗ mate aopiɗ. Nid aɗit amu aa danab doɗ main, Kayak mettaglagnu Silo goppig ele amu, aa Israel danab amu oh dilagppa anam hedapiɗ.

1 Samuel 2:14 ပူးပေါင်းရင်းမြစ်များ

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Lewitikas 7:34

⌊Nai amunu amu, Yawe atte.⌋ ‘Aɗinu anam daakkuoitte? Israel danab ag laippu dayaknu ofa hekkulagnu doɗ akkan dotteb ele amu, da amuppanu doɗ momo, tuɗi naɗiap ele huma epponitta mettak ele, da teppu amu haen oh mana mettak danab dilagnu epeɗiatmi daatte,’ ” awa atte.

Maika 3:3

Ag am danab nug doɗ gaɗa tola awa, teppu tuqa, otaɗe ne, ebehi ele qiialatte ne, nug teppu biliken ooppa maknu oppate ne, ewa male latte, amubia ag danab ah dahilad eheɗ nau anam hadatteb,” awe ami.

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

1 Samuel 2:13

Eli bekoɗ, a mana mettak danab amu, aa Yawenu anam doopiɗ amunu, aa inam hedapiɗ. Danab nug doɗ mana, Yawe medakkunu uɗia, nug mana mettak uɗat oh ha malowa, nug teppu laa dayom ele amu nug, nug baekkudppa ele ag amu lakkulagnu battieye, Eli bekoɗ aa heeh, maɗi nid ahilah laa nug huɗup aeg ewam ele aɗa ukka,

1 Samuel 2:15

Hopni, Pinias ele aa haen oh anam hedapiɗ, amge deɗ laala aa kobol laa ele hepiɗ. Kobol amuam inam. Danab laa nug doɗ mana, Yawe medakkunu uɗia, nug amu hekkunu dayeye, mana mettak danab nug doɗ amunu ittag mana, Yawe ii mettom, haen amuppa Hopni, Pinias ele aa heeh, maɗi nid ahilah nug ukka, mana mettak mameg amegppa inam aum. “Mana mettak danab nug doɗ teppu battiak ele lakkunu oo ii daatte, nug teppu aab aɗuppa manak lakkunu oo hette amunu, na teppu maha laa geha iikku da meɗe! Nug teppu battiak ele awaknu uutte. Nug amu iinab aoma. Iitta! Nug teppu bau aakkuib aokkunab.” Maɗi nid nug anam attom.

1 Samuel 2:29

Da amu mattami amunu, aɗinu na, amu na begapaɗ ele ag amunu elele iitta dabmenana, ag ofa iɗu iɗu, danab ah da meɗaglagnu ami ele amu, ag amunu, “Keeke hamunab,” doona, ag amunu maha ena laa ele aoglagnu hetteb? Eli na, amu na begapaɗ ele ag doɗ oh Israel danab ah ag manan, da meɗaglagnu aon uɗitteb ele amu, ag doɗ amu ohnu teppu maha enanag laa, ag amu aoglagnu ii ami ele amu, ag teppu maha amu ele aon lanana, ag titiɗna malappig. Amuppa, Eli na, na begapaɗ dilahnu binalah okkai doona, dahilnu am binal okkai iitta doottem. Aɗinu na anam hettem?’