1 Samuel 2:1 - Nobonob Baibel

¹ Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.

1 Samuel 2:1 ပူးပေါင်းရင်းမြစ်များ

2 Stori 20:27

Ag amu hena malona, Jehosapat nug Juda danab oh, laa Jerusalemnu, laa Juda wanppa laih laihnu amu, nug danab amu oh noolag awa, ag oh Yawe Nug he, ahilag kekeɗ iitta meppig amunu, ag gamag ahak naɗi ele Jerusalem goppig.

Nehemaia 11:17

Amu laa Jerusalem dayom am Mika bekka Matania. Matania nug danab ah ag Kayak amegppa, “Ena heme,” akkulagnu, ag Nug unuqidkkulagnu daaegeg, nug ag ehanattette heppig. Mika mameg am Sabdi. Sabdi mameg am Asap. Bakbukia, nug ele Jerusalem dayom amu, nug am Matanianu ehanittak. Aria, Lewi buɗubppan mana mettak danab iitta, danab amu oolagppan laa Jerusalem dayom am Samua bekka Abda. Samua mameg am Galal. Galal am Jedutun buɗub laa.

Job 16:15

Kayak Nug anam hette amunu, da lamen heɗiag ele tagattem; da dup noin, ikkil wan ye, iɗul gappudppa memi daattem.

Sam 118:14

Yawe Nug dahil ɠagattag dayaya, oo gamag ahak dahil diig ele daatte. Nug am dahil Padal ii maknu ehanittak daatte.

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 148:14

Yawe he, laa nug nuhikkud danab ah dilag king daatte. Laa aun aɗi ag nuhikkud danab ah daatteb, ag nuhignu oo metta ii uuak kobol dim lamidtteb ele, ag king amu binag mekkulagnu elele. Ao, Israel danab ah ag Yawe guguittak daatteb, ag king amu, ag Nug binag mekkulagnu elele. Ag Yawe binag meig!

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 20:5

Yawe Nug heeb, na nahip kekeɗ eɗadppe, ig geha gamag ahak naɗi aognignu oonig daatte. Ig pilak laala, yaak amuppa Kayak binag mette ele qappaladpput daaglagnu oonig hette. Yawe Nug nahip unuqittak oh nob mekkunu oonig daatte.”

Sam 21:2

Na nug aɗi keekenu oo unuqagppa oo heum mettame amunu, king nug gamag ahatte. Yo, na nug keeke ohnu oɗ meum amu, na nug mettame amunu, nug gamag ahatte. Sila.

Sam 35:9

Am uug anam ahilagppa bekku dayeb amu, da Yawenu gamag ahak dookkul. Yo, uug amu ahilagppa bekku dayeb amu, Yawe Nug ehaniɗe, da padal ii meminu, da enanagnab dookkul.

Sam 51:15

O Naɗi, na da oɗel ehanidppe elele dayeb, da oɗelppa na humidkkulnu oɗ medattem.

Sam 71:8

Da na binan mettem. Yo, da nahip binag amahlak oppiaawak ele deɗ oh amun tuqan ele, da amunu oɗelppa madittem.

Sam 75:10

Kayak atte. “Da nau hak danab dilag ɠagattag aɗadkkul, amge da danab ag genab tutukku hetteb, da ahilag ɠagattag tuɗidkkul.”

Sam 89:17

Aɗinu? Na am ahilag binag amahlak oppiaawak ele, na ahilag ɠagattag ele daattem. Ao, na ii helom bia me, na ehanittak kobol nahip amu, kobol amuppa na hee, ig ɠagattag daattem.

Sam 89:18

Aɗinu? Ihinig king, nug ihinig guppiɗ daatte amu, nug Yawenu danab. Yo, ihinig king nug ig Israel, nug ihinig Kayak Oppiaawak Elenu danab.

Sam 89:24

Dahil oo metta ii uuak kobol, amu oo mauhaknab kobol dahil ele, amu oh am nug ele daakku. Da nug ehanidppi, nug king ba, nug ɠagattagnab daakku.

Sam 9:14

⌊O Yawe,⌋ da Sionnu aɗ odppa na onin humakkulnu, na da ehaniɗe, da kekeɗ eppelagppa ii daattemnu na binan medakkulnu amu, da diig amunu na anam ehaniɗkkutnu oɗ medattem.

Sam 92:10

Na, da ɠagattagnab, makau okkai ebehi ele dakkuɗ bia heiɗme. Yo, na da itiɗna human qeme.

Eksodas 15:1

Haen amuppa Moses nug Israel danab ah ele ag Yawenu ahi laa inam edappig. “Da Yawenu ahi edakkul. Aɗinu? Nug ban naɗinab imu eɗittom. Ao, Nug hos, danab hosppa daappig ele akke, yu ooppa noppig.

Eksodas 15:21

Ag amu henena, Miriam nug ag amelagppa ahi inam ettom. “Yawe Nug ban naɗi eɗitta, Nug hos, amu danab hos attan daappig ele, Nug amu oh akke, yu ooppa noppig amunu, ag nuhignu ahi etteg!” awa ahi ettom.

Habakuk 3:1

Nai imuam propet danab Habakuknu unuqittak; ahiettaknu.

Habakuk 3:18

⌊Uug nau amu oh anam bena daaglagtai,⌋ amge da Yawenu gamag ahak dookkul. Ao, da Kayak, Nug da ehaniɗe, da padal ii mettem amu, da nuhignu ool gamag ahakku.

Luk 1:69

Nug anukka nuhikkud propet oɗelagppa aum bia, Nug ig kekeɗ ihinkad eppelagppanu, amu danab laa ag ihinignu oolagppa nau ninig ele dootteb, Nug ig ag eppelagppanu ele eɗua awigkkunu, Nug ig mamenkad aɗi dilagnu oo gai-iitta doya oo metta ehanadkkunu, Nug nuhig nug tituana nai qakkak nai, amuam Nug ig alanig Abraham amegppa Nug onigppa nuhig nai ɠagattag qetta aum amu, Nug nai amu daug ii atimanu, amu Nug ig ihinkad kekeɗ eppelkadppa qagaiettakppa daamtanu ehanikkeb, ig baɗak iitta daat, Nug noobppa genab tutukku hak danab, oppiaawak ele ihinig deɗ oh daat, ig Nug waappa daat Nug oɗe dim lamidkkunignu elele daagnignu, Nug ig padal mematanu ehanittak danab ɠagattag, nuhig maɗi nid Dawit, nug buɗubppanu me uɗiom,” awa aum.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

1 Samuel 1:6

Yawe Nug he, Hana nug nid aokkunu elele iitta amunu, Elkana wau laa Penina, nug Hana awa awa qedatta, nug Hana nid aokkunu elele iittanu uug nau dookkunu, nug amunu ge iitta mattieye, Hana nug genab oo uug ele dayom.

1 Samuel 1:7

Kobol amu maɗ kuɗumppa beum. Ge! Maɗ anen anen, Elkana, Hana aɗi ele ag Yawenu mettid haknu peh lakka tena, Penina, nug Hana awa awa qedatta, nug nid aokkunu elele iittanu ge iitta mattieye, Hana nug genab oo uug ele daye, nug gaya, ee ele ii laum.