1 Samuel 19:8 - Nobonob Baibel

⁸ Amu haen laa dimppa Pilistia ag uɗieg, Israel ele ban heegeg, amu Dawit nug nuhig ban danab ele ukkaeg, Pilistia ele ban heppig. Ag ban amu ɠagattagnab heeg, Pilistia ag ban amuppanu oolna goppig.

1 Samuel 19:8 ပူးပေါင်းရင်းမြစ်များ

1 King 20:21

Ag oolegeg, King Ahap ahe, nug, amu nuhikkud daup ele ag ukkaeg, Aram danab ag hos, bannu karis eleppa ban heppig ele, ag ag ele ban heppig. Ban heegeg, Israel dilag daup ag eɗadna, Aram dilag daup amu huanaknab aqaeg mauhadppig.

Sam 27:3

Ban hak danab laihnu ag da ele ban hekkunignu uɗin taliliɗkkulag dayeb amu, da ii baɗapa. Genab, dahil kekeɗ ag uɗin iuglagnu hekkulag dayeb amu, da Kayaknu oolppa genab doyeye, Nug ehaniɗkkunu oolppa genab dookkul.

1 Samuel 18:14

Am Dawit nug nuhikkud ban danab ameg ele, ag kekeɗ ele ban heegeg, Yawe Nug Dawit ele daapiɗ amunu, keeke oh Dawit heum amu, keeke amu enaib ukkom.

1 Samuel 18:30

Keeke amu oh dimppa, haen kuɗum Pilistia huu ag uɗieg, Israel ele ban heppig. Am haen oh ag anam heppig amu, Dawit nug ban hak kobol nuhig haaha, nug Saulnu ban daup ikki laa oh, nug amu dilag ban haknu kobol eɗidttom amunu, Israel danab ah oh ag nug am anam doon, nuhignu enanagnab dooppig.

1 Samuel 19:7

Saul nug anam awowa, aria nug Jonatan uuitta ukkom. Nug ukke dimppa, Jonatan nug Dawit onigppa e, Dawit uɗie, amu Jonatan nug aɗi nai Saul nug aum amu, nug Dawit amegppa aum. Nug Dawit amegppa ana malowa, aria nug Dawit omala, Saul toppa ukke, nug daattom bia Saul toppa dayom.

1 Samuel 19:9

Dawit nug Pilistia eɗattom dimppa, deɗ laa ouɗi nau Yawe noobppanu ukka, Saul uug nau mette, Saul ban gudkkud nuhig aɗa laugppa dayeye, Dawit nug ehanidkkunu harp qeum.

1 Samuel 23:5

Yawe Nug anam a, Dawit nug nuhikkud ban danab ele ag ahan, Keila gona, Pilistia ban danab ameg appa daappig amu, ag ag ele ban heppig. Ag Pilistia ele ban hena, ag Pilistia kuɗum aqeg mauhatteg, makau keeke, ag agappig. Dawit nug nuhikkud ban danab ele ag anam heppig. Ag anam ehanatteg, Keila ag eheɗ, nau ii aoppig; iitta.