1 Samuel 19:23 - Nobonob Baibel

²³ Ag Saul amegppa anam aeg amu, nug Naiot, Rama guguittak ukkom. Nug ukkom, amge haen nug ibppa ugekke, Kayak Ouɗi Nug nuhigppa ele uɗia, nug digma, propet nai mattiom. Nug anam propet nai mattiaya ukka, Naiot teum.

1 Samuel 19:23 ပူးပေါင်းရင်းမြစ်များ

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Namba 23:5

Balam nug nai amu mattia male, Yawe Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

Matyu 7:22

Anam daatte amunu, epeɗiak deɗ naɗippa danab ah kuɗum ag da amelppa akkulag. ‘Naɗi, Naɗi, ig na oninppa propet nai iite mehuqmut? Na oninppa ele ouɗi nau iite lamadmut? Ig na oninppa kobol danab haknu elele iitta kuɗum laa iite hemut?’

Jon 11:51

Nug nukka nuhig dabmakppa Jesus mauhkkunu nai amu ii aum. Iitta. Maɗ amuppa nug mana mettak ikki danab dayom amunu, Jesus mauha, Juda danab ah ehanadkkunu propet nai mattiom.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.

1 Samuel 10:12

Aon aeg, danab laa nug appa dayom ele, nug oɗmak laa ha aum. “Propet danab imu amu, ag mamelag am aun?” awa aum. Nug anam aum amunu, nai tutu meu ele laa amuppa beum. Nai amuam “Saul Nug ele propet oolagppa propet laate?”

1 Samuel 10:6

Ag anam hebeppeg anadna, Yawenu Ouɗi Nug ɠagattag ele nahip-ppa ukkeb, na ele propet nai madikkut. Amu na eɗun, danab laa daakkut.

1 Samuel 18:10

Aria, wagɗe deɗ amuppa ouɗi nau Kayak noobppanu ukka, wagainab ma, Saul uug nau mette, Saul nug nug laugppa dayeye, nuhig dabmak eɗitte, nai digdig mattiom. Nug anam heehe, Dawit nug haen oh Saul nug anam heehe, harp qeum amu, nug anam dayaya, harp qeeqe, Saul nug eppegppa ban gudkkud aɗa dayom.

1 Samuel 19:18

Aria, haen amu ag anam heeg, Dawit nug Saul eppegppanu oola, Samuel gumitta, Rama ukkom. Nug ukka ta, nug keeke oh Saul nuhigppa heum amu, nug Samuel amegppa mattie, aria dimppa aa Naiot goya, oh daapiɗ.

1 Samuel 19:20

Laa Saul amegppa anam aeg, nug danab laala maatte, Dawit aɗaglagnu goppig, amge haen ag gona, Naiot tena, ag propet huu laa ag propet nai mattiegeg anadppig. Samuel nug ahilag ikki, nug hibaitta dayeye, Kayak Ouɗi Nug Saulnu huu daappig, amu Nug ahilagppa uɗia he, ag digmena, propet nai madippig.

1 Samuel 19:22

Saulnu huu amu oh ag anamib heeg, amu Saul nug ele aha, Rama ukkom. Nug Seku ukka, le moɗ okkai laa appa daatteppa amu, nug appa ta, nug oɗ mattom. “Samuel, Dawit ele, aa adeppa daattep?” awa oɗmak heum. Nug anam oɗ matte, ag nug amegppa appig. “Aa Rama guguittak, Naiot daattep,” appig.