1 Samuel 19:20 - Nobonob Baibel

²⁰ Laa Saul amegppa anam aeg, nug danab laala maatte, Dawit aɗaglagnu goppig, amge haen ag gona, Naiot tena, ag propet huu laa ag propet nai mattiegeg anadppig. Samuel nug ahilag ikki, nug hibaitta dayeye, Kayak Ouɗi Nug Saulnu huu daappig, amu Nug ahilagppa uɗia he, ag digmena, propet nai madippig.

1 Samuel 19:20 ပူးပေါင်းရင်းမြစ်များ

Joel 2:28

Yawe Nug atte. “Amu dimppa da dahil Ouɗi danab ah diig oh dilagppanu ⌊danab ah laala⌋ madakkul. Da madappi, ag bekkalkad, aɗelkad ele ag propet nai madippeppeg, ahilkad danab kaino ag tul niiakppa keeke anidppeg, ahilkad danab bau ag tuleglegppa keeke anidkkulag.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

Jon 7:32

Danab ah kuɗum ag Jesusnu anam mattiegeg, mana mettak danab okkai amu ɗo gumak danab-Parasia ele ag danab ah nai kuɗum mattiegeg doona, ag ahilag daup laa Jesus aɗaglagnu maatteg uɗippig.

1 Korint 14:3

Amge danab nug Kayak nai mehuqtte, danab amu nug nai mattieye, danab dilag ooppa genab doyak ɠagattag qedatte, kobol ena dim lamidkkulagnu ɠagattag madatte, amu ag oolagppa maɗoɗ daakkunu ɠagattag ele madatte.

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.

1 Samuel 19:11

Dawit nug oola, lakka ukke, tuqan amuppa Saul nug danab laala ag gona, Dawit meidna daanna, deɗ amu uueb, wagɗeb ag Dawit qeppeg mauhkkunu maatte goppig. Maatte gona daaegeg, amu Mikal nug Dawit amegppa aum. “Na dabme! Na gemu ii oolna gokkut amu, butti ag na nidappeg mauhkkut,” awa aum.

1 Samuel 19:14

Mikal nug anam he niieye, buttua Saul nug danab laala maatte, Dawit aoglagnu uɗippig ele amu, ag uɗieg, Mikal nug amelagppa aum. “Dawit nug oɗe,” awa aum.

1 Samuel 19:19

Aa goya Naiot daaeheh, dimppa danab laa ag Saul amegppa, “Dawit nug Rama guguittak, Naiot appa daatte,” aon appig.

1 Samuel 19:21

Ag anam heeg, laa aeg, Saul doyom amu, nug danab ameg laa maatte goppig, amge ag ele anamib gona, propet nai mehuqppig. Ag anam heeg, Saul nug danab ameg laa maatte goppig, amge ag ele gona, anamib heppig.