1 Samuel 19:10 - Nobonob Baibel

¹⁰ Dawit nug harp qeeqe, Saul nug ban gudkkud aɗom amu, nug Dawit yeeb mauhkkunu eum. Saul nug inam dabmeum. “Ban aeg amu ukka, Dawit ya, atula aeg laih ta, lagnu gilil ya, Dawit gililppa qataqeeb aiha daakku.” Saul nug anam dabmeum, amge nug ban eum amu, Dawit nug laippun dekkaɗa, oola ukkom.

1 Samuel 19:10 ပူးပေါင်းရင်းမြစ်များ

Sam 124:7

Nug ehanikke, ig am ai laa uhuippa notte, amge eɗua giɗo antta, ba gotte bia daattem. Ao, Yawe Nug pelem amu loppaɗe, ig ena daattem!

Sam 18:17

Nug da kekeɗ ɠagattag ele eppelagppanu awiɗom. Ao, Nug laa ag dahilnu nau ninig ele dooppig eppelagppanu eɗua awiɗom. Aɗinu? Kekeɗ ag da eɗilak, da ag eɗadkkulnu elele iitta.

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Sam 37:32

Danab ag nau hetteb ele, ag genab tutukku hak danab maadna daatteb. Ag aqappeg mauhkkulagnu hetteb.

Prowerb 1:16

Na ag ele oh ii gomananu diig am inam. Ag pahaettak hipunin hekkulagnu hetteb. Ao, ag laa qeppeg mauhkkunu oolag huana hette.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Matyu 10:23

Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

Luk 4:30

amge Jesus Nug ag oolagppanu aha, uuatta ukkom.

Jon 10:39

Jesus Nug anam a, ag nug aɗaglagnu heppig, amge Nug ag qe-aɗattatta ukkom.

Hibru 11:34

Amu ag heeg, aab nau qauhppig. Ag qep elab aqamanu dekkaɗppig. Ag gai-iitta daappig, amge dimppa ag ɠagattag aoppig. Ag ban danab ɠagattag bena amu, ag aab laalappanu ban daup lamatteg goppig.

1 Samuel 18:10

Aria, wagɗe deɗ amuppa ouɗi nau Kayak noobppanu ukka, wagainab ma, Saul uug nau mette, Saul nug nug laugppa dayeye, nuhig dabmak eɗitte, nai digdig mattiom. Nug anam heehe, Dawit nug haen oh Saul nug anam heehe, harp qeum amu, nug anam dayaya, harp qeeqe, Saul nug eppegppa ban gudkkud aɗa dayom.

1 Samuel 18:11

Saul nug ban gudkkud aɗa dayaya, nug inam dabmeum. “Da geha ban dahil eppi ukka, geha Dawit tutukku ya, geha ban aeg ukka, laih matula ukka, lag gilil ya, Dawit gililppa qataqeeb daakku.” Saul nug anam dabma, nug ban eum, amge Dawit nug dekkaɗom; ban nug ii yom. Nug anam he, Saul nug ban eɗua eum, am Dawit eɗua dekkaɗom; nug tatam heum bia heum.

1 Samuel 19:6

Jonatan nug mameg amegppa anam a amu, Saul nug nuhig nai Kayak onigppa ɠagattag qetta, nug inam aum. “Genabnab genab, Yawe Nug bauklel daatte amu, genab amu bia da heppi, ag Dawit ii qeppeg mauhma,” awa aum.

1 Samuel 20:33

Jonatan nug anam oɗ mettom, amge Saul ban nuhig amu Jonatan yeeb mauhkkunu eum. Nug Jonatan yeeb mauhkkunu heum, amuppa Jonatan nug, “Genabnab mama nug Dawit qeeb mauhkkunu dabmette,” dabma doyom.