1 Samuel 18:23 - Nobonob Baibel

²³ King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.

1 Samuel 18:23 ပူးပေါင်းရင်းမြစ်များ

Genesis 29:20

Anam a, Jakop nug maɗ eblaih aɗit ele Rahel aokkunu uɗat heum. Nug Rahelnu oo mauhom amunu, maɗ eblaih aɗit ele amunu amu, nug deɗ laippu laippu bia doyom.

Sam 119:141

Am danab ah ag dahilnu, da am keeke hamu doonna, ag da aon aon iutteb, amge da nahip oo yaak nai ɗo bia ii daul atitte.

Prowerb 14:20

Laa kuɗum, aria daɗek dilag mudippan laippu ele, ag daɗek danab guhuɗadtteb; amge danab enulag ele ag amu lailkad kuɗum ele.

Prowerb 29:5

Aun nug mudippan laippu oo eeɗaknu ittag nai maditte; nug nukka nuhignu pelem mette.

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

1 Samuel 18:18

Saul nug anam a amu, Dawit nug nai nob inam meum. “Da am danab onil iitta. Mamanu aab ikki ele Israel ooppa onig iitta. Na am danab okkai, na am king amunu da, da na aɗen aokkulnu am elele ii doottem,” awa aum.

1 Samuel 18:22

Saul nug Dawit amegppa anam awowa, dimppa nug nuhikkud ehanittak danab ele amelagppa, ag Dawit amegppa inam akkulagnunab aum. “Ag gona, Dawit anidna, haen nug nukkaib dayebeb, ag nug amegppa da attem imu ag aig! ‘Antte! King Saul nug nahipnu ena dootte. Ig nuhikkud ehanittak, ig ele ig nahipnu oonig hette. Ig oh anam doottem amunu, na Mikal, Saul aɗeg, aokkut am ena!’ ” Saul nug ag Dawit amegppa anam akkulagnu aum.

1 Samuel 18:24

Dawit nug Saulnu maɗi nid amelagppa anam a, ag eɗun gona, Saul amegppa keeke oh Dawit aum, ag amu nug amegppa madippig.

1 Samuel 9:21

Samuel nug Saul amegppa anam a, Saul nug aum. “Amge da am Benyamin ted. Ig Benyamin buɗub amu, ig kuɗum iitta; Israel buɗub laa oh ag eɗigtteb. Laa ele amu, Benyamin ooppa dahil aab ikki am onig iitta; laa oh ig eɗigtteb. Aɗinu na dahilnu anam attem?” awa aum.