1 Samuel 18:22 - Nobonob Baibel

²² Saul nug Dawit amegppa anam awowa, dimppa nug nuhikkud ehanittak danab ele amelagppa, ag Dawit amegppa inam akkulagnunab aum. “Ag gona, Dawit anidna, haen nug nukkaib dayebeb, ag nug amegppa da attem imu ag aig! ‘Antte! King Saul nug nahipnu ena dootte. Ig nuhikkud ehanittak, ig ele ig nahipnu oonig hette. Ig oh anam doottem amunu, na Mikal, Saul aɗeg, aokkut am ena!’ ” Saul nug ag Dawit amegppa anam akkulagnu aum.

1 Samuel 18:22 ပူးပေါင်းရင်းမြစ်များ

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

1 Samuel 18:21

Saul nug oo gamag ahe, nug inam dabmeum. “Da geha Dawit, nug da aɗel aokkunu elele appi, ewau matulak awaknu nai amu da nug ele qagapuɗ, da aɗel nug geha Dawit mauhkkunu ib daakku. Da geha appi, ah nob daden amu, Dawit nug Pilistia ele ban hekkulagnu daakku, amu ag geha nug qeppeg mauhkku.” Saul nug dabmak anam awa, nug Dawit amegppa baula aum. “Gemu na geha da aɗel amu aokkut,” awa aum.

1 Samuel 18:23

King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.