1 Samuel 18:16 - Nobonob Baibel

¹⁶ amge Dawit nug ban danab dilag okkainu uɗat amu enaib heum amunu, Israel, Juda ele ag nuhignu oolag mauhom.

1 Samuel 18:16 ပူးပေါင်းရင်းမြစ်များ

2 Samuel 5:2

Amu anukka Saul nug ihinig king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

1 King 3:7

O Yawe, dahil Kayak, na da, nahip maɗi nid, na da awiɗna hee, da mamel abenabppa king daattem, amge da am nid nakok hamu laa bia daattem amunu, da attem hekkul? Da kobol aɗippa danab ah gumadkkulnu amu, da ii doottem; elele iitta.

Esta 10:3

Mordekai Juda ted, wan amu dilagnu gumak danab ba, ɠagattag okkainab ele dayaya, King Ekserksis nukka waappa dayom. Nug am Juda oolagppa danab naɗi, binag okkai ele; ag nuhignu ena doon, binag meppig. Nug danab ah nuhikkud ena daaglagnu uɗat heum, amu nug ag ehanadkkunu haenppa nai mattiom.

Luk 19:48

Amge danab ah oh ag nuhig nai dooglagnu wagai mena heppig amunu, ikki danab ag Nug qeppeg mauhkkunu ib laa ii anidppig.

Luk 20:19

Amu mana mettak danab okkai amu ɗo mehuqak danab ele ag Jesus Nug keeke danab ag dootteb ii dootteb ele ouaqata, ippuanattak nai amu ag eheɗ hak ahilag anidkkulagnu mattiom doona, ag haen amuppanab ahan aɗaglagnu ib madippig, amge ag danab ah dilag baɗappig.

1 Samuel 18:13

Saul nug Dawit baɗittom amunu, nug Dawit awa, ban danab 1,000 dilag ikki meum. Nug ban daup ikki anam me dayaya, nug piɗe oiyeye, nug Saul ele aa nug guguittak ii daapiɗ. Aa nug guguittak ii daayya, Dawit nug ban danab ameg nuhig amu diie, ag gona, Israel dilag kekeɗ ele ban heppig.

1 Samuel 18:15

Am Saul nug keeke oh Dawit heum amu enaib ugekke antta, diig amunu Saul nug Dawitnu baɗom,

1 Samuel 18:5

Amu keeke oh Saul nug he, Dawit ukka hekkunu daye, Dawit nug enaib heum amunu, Saul nug he, Dawit nug Saulnu ban daup ikki laa beum. Be, danab ah oh, amu Saulnu ban daup ikki laa oh ele, ag Dawitnu oolagppa enanag dooppig.