1 Samuel 18:14 - Nobonob Baibel

¹⁴ Am Dawit nug nuhikkud ban danab ameg ele, ag kekeɗ ele ban heegeg, Yawe Nug Dawit ele daapiɗ amunu, keeke oh Dawit heum amu, keeke amu enaib ukkom.

1 Samuel 18:14 ပူးပေါင်းရင်းမြစ်များ

Genesis 39:23

Yawe Nug Josep aɗi keeke anen anen heum ele amu ehanittette, keeke anen anen elelenab beum amunu, maniguittak gumak ikki danab nug uɗat laala Josep eppegppa meum ele, nug amunu dab-ii-mettom.

2 Samuel 5:10

Yawe Kayak Nukka Ɠagattag Oh Ele Nug Dawit ele daapiɗ amunu, Dawit nug king ɠagattag daye, nuhig ɠagattag teete, Dawit nug king ɠagattagnab dayom.

2 King 18:7

Amunu Hesekaia nug Yawe ele daayya, Yawe ehanitte, nug keeke heum am oh enaib beum. Hesekaia nug Asiria dilag kingnu nai tappe ne, nug nug waappa dayaya nug oɗe dim lamidkkunu uuom.

1 Stori 18:13

Abisai anam he, Dawit nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

1 Stori 18:6

Dawit nug anam ha, nug he, nuhikkud daup laala ag Aram dilag wanppa daaegeg, Aram ag nug waappa daanna, en takis bia, hanhan Dawit medattappig. Aben ohppa Dawit nug appa ukka, ban heum ele amu, Yawe Nug he, Dawit nug nuhikkud kekeɗ eɗadttom.

2 Stori 17:3

Jehosapat nug king abenabppa ta dayaya, nug mameg anukkanu Dawit, nug Yawe dim lamittom bia heum amunu, Yawe Nug Jehosapat ele daapiɗ. Jehosapat nug kayak hambuppuak Bal iɗu iɗu anatta dim lamadkkunu nug ii mattiom.

Sam 101:2

Da na noomppa nahip neekkakppa da oolppa kaliak laa iitta ele oikkulnu wagai mein hekkul. Na ganeb dahilppa uɗikkut? Da daattemppa amu, da na noomppa danab ooppa kaliak laa iitta ele daakkulnu oolppa dabmein oikkul.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Josua 6:27

Amunu Yawe Nug Josua ele dayeye, Josua nug danab onig, binag okkai ele, doyak amu Kanan wan ohppa ukkom.

Ikki Danab 1:19

Yawe Nug Juda danab ele daappig amunu, ag Kanan danab ah ag laih qauko qauko ele daappig eɗadna, ahilag wan ele aoppig, amge Kanannu danab ah uɗem okkaippa daappig, ag bannu karis aenppa hak ele amunu, Juda aɗi ⌊ag ag lamadkkulagnu elele oolagppa genab ii doon,⌋ ag danab amu ii lamadppig.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 18:15

Am Saul nug keeke oh Dawit heum amu enaib ugekke antta, diig amunu Saul nug Dawitnu baɗom,

1 Samuel 19:8

Amu haen laa dimppa Pilistia ag uɗieg, Israel ele ban heegeg, amu Dawit nug nuhig ban danab ele ukkaeg, Pilistia ele ban heppig. Ag ban amu ɠagattagnab heeg, Pilistia ag ban amuppanu oolna goppig.

1 Samuel 3:19

Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.