1 Samuel 18:12 - Nobonob Baibel

¹² Yawe Nug Saul ele tatam daapiɗ, amu gemu Nug Saul uuitte, nug ele ii daattep, amge Nug Dawit ele daattep amunu, Saul nug Dawit baɗittom.

1 Samuel 18:12 ပူးပေါင်းရင်းမြစ်များ

2 Samuel 5:10

Yawe Kayak Nukka Ɠagattag Oh Ele Nug Dawit ele daapiɗ amunu, Dawit nug king ɠagattag daye, nuhig ɠagattag teete, Dawit nug king ɠagattagnab dayom.

2 Stori 17:3

Jehosapat nug king abenabppa ta dayaya, nug mameg anukkanu Dawit, nug Yawe dim lamittom bia heum amunu, Yawe Nug Jehosapat ele daapiɗ. Jehosapat nug kayak hambuppuak Bal iɗu iɗu anatta dim lamadkkunu nug ii mattiom.

Sam 51:11

O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Hosea 9:12

Ag nid ii menumna, me ag menuadlob amu da heppi, oh iitta mekkulag. Haen da dimadattem amu, ahilagnu am gadonnab gadon.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Mak 6:20

Aɗinu? Herot nug doyom, Jon am genab tutukku hak danab, Kayaknu danab oppiaawak ele amunu, Herot nug heeb mauhmanu baɗa atognoum. Amu deɗ laala Herot nug Jon nai madikkunu onigppa e uɗia, nai mattie amu Herot nug Jonnu nai amunu dabmak kuɗum awom, amge nug nai amu dookkunu oo ele dayom.

Luk 8:37

Mattieg, Gerasanu wan atu, appan danab oh ag Jesus uuatta gokkunu unuqppig. Aɗinu? Ag huan baɗappig. Aeg aakku Jesus Nug uub attan ta, Nug eɗua ukkom.

Aposel 24:25

Pol nug genab tutukku hak kobolppa oiyak amunu mehuqa, danab nug nukka nuhignu atognoa tutukku oikkunu, geha Kayak Nug danab oh epeɗiadkkunu nai ele mehuqeqe amu, Peliks nug nai amu doya, oo baɗe, nug Pol amegppa aum. “Gemu elele! Ahan ukke! Dimppa da haen ena laa dayeb amu, da geha baula dookkulnu na oninppa ekkul,” awa aum.

Aposel 7:9

Aria, ig alankad ag Josepnu, ihinigppa anam daalon dabmak aɗan daan, ag nug aon, danab laa mattaeg, men doɗo mattanna, ag aon, Isip goppig. Ag nug aon ukkaeg, appa nug laanu begbeg maɗi nid dayom, amge Kayak Nug Josep dabmedette,

Ikki Danab 1:19

Yawe Nug Juda danab ele daappig amunu, ag Kanan danab ah ag laih qauko qauko ele daappig eɗadna, ahilag wan ele aoppig, amge Kanannu danab ah uɗem okkaippa daappig, ag bannu karis aenppa hak ele amunu, Juda aɗi ⌊ag ag lamadkkulagnu elele oolagppa genab ii doon,⌋ ag danab amu ii lamadppig.

Ikki Danab 16:20

Am danab nug ikki uɗug otaɗa male amu, Delaila nug ewa aum. “Samson! Pilistia ag na aɗaidkkulagnu uɗippig!” awa eum. Nug anam e amu, Samson nug aha amu, nug dabmeum. “Da hettem, anam hein uhuqak aokkul,” dabmeum. Nug anam dabmeum, amge nug Yawe uuitta ukkom amu, nug ii doyom.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 16:4

Yawe Nug ib amuppa hekkunu Samuel amegppa a, Samuel nug Yawe aum oɗe bia heum. Nug aha, Betlehem ukke, ikki danab aab amuppan ag nug uɗiom, ag amunu baɗan, nug uɗa tena, ottaina, ag amegppa appig. “Danab okkai, na oot maɗoɗ elete uɗime?” aon appig.

1 Samuel 18:15

Am Saul nug keeke oh Dawit heum amu enaib ugekke antta, diig amunu Saul nug Dawitnu baɗom,

1 Samuel 18:20

Amge Saul aɗeg laa, onig Mikal, nug Dawitnu oo mauhom. Nug nuhignu oo mauhe, Saul nug nai amu doya, nug ena doyom.

1 Samuel 18:29

nug Dawitnu tatam baɗak doyom amu, gemu nug baɗak amu eɗittak doyom. Nug Dawitnu kekeɗ dayom amu, nug anamib daye ukke, haen nug mauhom batak.

1 Samuel 20:13

Amge genab, mama nug na eheɗ heidkkunu dabmette dayeb amu, da na amenppa ii ain, da na elele oolna gokkutnu ii ehanidppi amu, aria Yawe Nug geha bu okkainab meɗakkunu ool daatte. Amu keeke laippu aakkuib am, Yawe Nug anukka da mamel ele daapiɗ bia, Nug na ele daaglahnu ool daatte.

1 Samuel 22:13

Ahimelek nug anam a amu, Saul nug nai nob ma aum. “Aɗinu na heppe, da nein qekkulnu hettem? Na Jesi bekka ele aa anam hettep. Aa heyaya, na nug ee mettona, qep elab ele mettame. Na ele keeke oh Dawit hekkunu amu, na Kayak amunu oɗ mettame. Na amu heme, amuppa na nug da waalppa ii daamanu, da oɗel tappeb nekkunu ɠagattag qettame. Am gemu nug da iweb mauhkkulnu ib maditte. Nug haen laa, danab ag nug ii anidtteb, haen amuppa amu, nug anam hekku,” awa aum.

1 Samuel 28:15

Anam dayeye, Samuel nug Saul oɗ mettom. “Aɗinu na dahil dayak okkulna, da onilppa e, da eɗue uɗimi,” awa oɗ mettom. Nug anam oɗ me, Saul nug nob ma aum. “Da uug nau doottem. Pilistia ag da ele ban hekkunignu uɗippig, amu Kayak Nug da dimeɗa, nug propet oɗelagppa nai laa ii meɗatte, tul niiakppa ele iitta. Anam daye amunu, da na oninppa emi. Geha da attem hekkul amu, na appe dookkul,” awa aum.

1 Samuel 3:19

Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.