1 Samuel 18:1 - Nobonob Baibel

¹ Saul, Dawit ele aa mattiya malaeh, haen amuppa Saul bekka Jonatan, nug Dawitnu, da layalnab doya, Jonatan nug nukka nuhignu oo mauhtte, amubia nug Dawitnu oo mauhom.

1 Samuel 18:1 ပူးပေါင်းရင်းမြစ်များ

Genesis 44:30

Juda nug nai anam ana amu, nug nai tuɗitta aum. “Anam amunu, da nid imu awe ii goppi, da mamel nug mauhkku. Aɗinu? Nug beɗu oh am nid imunuppa daatte. Anam aakku daatte amunu, ig laa gokkunig, haen amuppa ig nid imu ii aot gopput, ig mamenig nug ii antta, oo doyakppa ig beɗunigppa mauhkku.

2 Samuel 1:26

O da amal Jonatan, da ool nahipnu huana dootte. Da nahipnu enaib doomi. Na dahilnu oot okkainab mauhom, amu da oo mauhak amunu enanag doomi. Ge, oo mauhak nahip amu, amuam ah nug danabnu oo mauhtte eɗittak.

1 Stori 12:17

Dawit nug ban haknu aben ɠagattagppa dayeye, ag uɗieg, Dawit aha dimittim ukka, ag uɗalag ta, ag amelagppa aum. “Ag da ehaniɗkkulagnu maɗoɗ ele uɗippig dayeb amu, ag uɗippeg, da ele daagnignu ool daatte, amge da eheɗ laa ii hemi, ag amu dab-ii-menana, ag hambuppuiɗna aɗailna dahil kekeɗ eppelagppa meiɗkkulagnu uɗippig dayeb amu, Kayak, ig mamenkad aɗi dilag Kayak, Nug amu antta, ag epeɗiatta, bu madakkunu ool daatte,” awa aum.

Sam 86:11

O Yawe, da nahip doyak diig genabib dim lamidkkulnu amu, na nahip ib ippuniɗkkutnu oɗ medattem. Ao, da nahipnu ebehil oh bodoetta le mekkunu na heppe, da na dim lamidkkulnu oo laippu dayak dayeye oikkulnu unuqidttem.

Prowerb 18:24

Danab laikkud ag nug ele gaɗappaib layam batappig, ag heppeg, nug na qa nauhkkunu elele; amge layag laa, nug am laikkud laa oh eɗattak, nug nug laikkud dabmatta auta autanab aotte.

Duteronomi 13:6

Na awante, amapte, bekkatte, aɗente, waatte, o na layapnabte, nug lokkumakppa na gumitta uɗia, na amenppa, “Doppe goɗa, kayak laa noolagppa dup noɗa binalag meɗu,” awa akkutai. Amuam kayak ag, amu ag mamelkad aɗi ele ii doyadppig.

Kolosi 2:2

Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

Ikki Danab 20:11

Anam amunu, Israel danab oh ag qagmena, ag banelag gona, Gibea ele ban hekkulagnu laippu aɗaeg oum.

1 Samuel 14:45

Saul nug anam aum, amge daup laa ag appig. “Jonatan nug he, ig Israel, ig Pilistia lamadmut amunu, nug mauhkkute? Iittanab iitta! Kayak Nug Jonatan eppegppa gemu he, ig Israel ig ehanittak okkainab aomut amunu, Yawe Nug genab bau daatte, genab amubia laa nug keeke eheɗ laa Jonatan nuhigppa iinab ii hema,” aon appig. Daup ag anam appig amunu, kobol amuppa ag hena, Jonatan mauhak eppegppanu eɗun aoeg, Jonatan ii mauhom.

1 Samuel 18:3

Aria, Dawit nug aben Saul daatte, amuppa dayeye, Saul bekka Jonatan, nug nukka nuhignu oo mauhom, amubia nug Dawitnu oo mauhom amunu, nug Dawit ele aa nug tituana nai qakkak laa hepiɗ.

1 Samuel 19:1

Am danab ah oh ag Dawitnu enanagnab dooppig amunu, Saul nug Jonatan amegppa, nuhikkud ehanittak amelagppa ele ag Dawit qeppeg mauhkkunu aum. Nug amelagppa aum, amge Jonatan nug Dawitnu enanagnab doyom,

1 Samuel 19:2

amunu nug ukka, Dawit antta, inam amegppa aum. “Na dabme! Da mamel Saul nug na mauhkkutnu aum amunu, butti buttua na dabmena autna awe! Na lokkumak aben ena aab okkai dimittim dad okkaippa anidna, na appa gona daye!

1 Samuel 20:17

Amu Jonatan nug nukka nug nuhignu oo mauhom, amubia nug Dawitnu oo mauhom amunu, nug he, Dawit nug baula Jonatan layag tuɗid daakkunu nuhig nai ɠagattag qetta aum.

1 Samuel 20:8

Anukka na he, i nug tituana nai qakkak laa Yawe noobppa hemuɗ, amu tituanak amuppa i iya iya geha ehanitkkunihnu amuɗ amunu, na dahilnu oo mauhaknab doon, na ame amu, na nai amu dim lamidna ehaniɗkkutnu oɗ medattem. Amge da eheɗ laa hemi dayeb amu, na iuppe mauhei! Aib omaiɗna, na mamen gumidna goppe, nug da iwom.” Dawit nug Jonatan amegppa anam aum.

1 Samuel 22:8

Ag oh da nein qekkulnu hetteb amunu, ag oolagppan laippu laa nug da amelppa nid dahil, nug Jesi bekka ele aa nug tituanak heya, aa geha layam hanhan daaglah amu, laa da amelppa amunu ii aum. Ag oolagppan laa dahilnu dabmaama, am dahil keekenu ele nakok ii dabmeum. Ag oolagppa laa nug da amelppa nid dahil nug maɗi nid dahil Jesi bekka amegppa, nug lokkuma da iweb mauhkkulnu, nug gemu hette bia amegppa aum amu, laa da amelppa ii aum.” Saul nug anam aum.

1 Samuel 23:18

Jonatan nug a amu, aa Yawe noobppa geha aa aya, ⌊aa nug ehanittak hekkulahnu⌋ aa baula nug tituanya nai qagapiɗ. Aa nai qakkak hewoya, Jonatan nug eɗua appagppa ugekke, Dawit nug Hores dayom.