1 Samuel 17:55 - Nobonob Baibel

⁵⁵ Aria, haen tatam Saul nug Dawit Goliat ele ban hekkulahnu ukkom antta, nug ban daup ikki anuqak Apner oɗ metta aum. “Apner, danab diig attemnab nug am nid bau inam mameg beum daatte?” awa oɗ mettom. Nug anam awa oɗ mette amu, Apner nug nob ma aum. “O king, na genab bau daattem, genab amubia da amu genab ii doottem,” awa aum.

1 Samuel 17:55 ပူးပေါင်းရင်းမြစ်များ

Genesis 42:15

Anam amu, da ma anttak ib inamppa ag madakkul. Ag oolagppanu laippu laa nug ukka, ag amalag yuɗ omala uɗikku. Ag laa oh, ag nai genab appigte o iittate, da anidkkulnu amu, ag ippa maniguittakppa daaglag. Amu Paro genab bau daatte, genab amubia ag amalag yuɗ ii uɗikku dayeb amu, ag laa ag ippanu ii ahamna. Am ele, Paro genab bau daatte, genab amubia ag hambuppuak madippig dayeb amu, ag aakku lokkumakppa atu italak danab daatteb,” awa aum.

1 Samuel 1:26

⌊Eli nug Hana ii doyom amunu,⌋ Hana nug amegppa aum. “O naɗi dahil, anukka ah laa nug uɗia, na heqon laihppa dayaya, Yawe unuqittom ele amu, ah amu am da iikkuib. Am ah laa iitta. Na genab bau daattem, genab amubia amu da am ah amu iikkuib.

1 Samuel 14:50

Nug wau am Ahinoam, nug am Ahimas aɗeg. Danab onig Apner nug am Saulnu ban daup ikki anuqak. Apner mameg am onig Ner. Ner nug am Saul mameg nakok.

1 Samuel 16:12

Samuel nug anam a amu, Jesi nug nid laa ukka, Dawit omala uɗikkunu he ukka, omala uɗiom. Dawit iɗu am anttaknu enanag, beɗu ele ena, ɠagattag, amu nug ameg ele ena amahaltte. Nug uɗia do, Yawe Nug Samuel amegppa aum. “Nug aakku, da nug king daakkunu tituanmi amunu, na nug king daakkunu goɗen gokkaɗakppa tituane!” awa aum.

1 Samuel 17:54

Amu Dawit nug Goliat ikki okulak amu mawa, Jerusalem ukkom, amge nuhig bannu keeke amu, Dawit nug awa, nug laugppa ukka meum.

1 Samuel 17:56

Apner nug anam a, King Saul nug aum. “Anam dayeb amu, na gona amu doye!” awa aum.

1 Samuel 17:58

Dawit nug Saul gumitta ukke, Saul nug Dawit oɗ mettom. “Nid bau, na am danab aunnab bekka?” Nug anam a, Dawit nug amegppa aum. “Da am nahip maɗi nid Jesi bekka. Nug am Betlehem danab,” awa aum.

1 Samuel 26:5

Ag Dawit amegppa aeg, Dawit nug aha ukka, Saul haen tutu dayaknu aab kalom amu, nug aab amu guguitta ta, nug Saul, amu nuhikkud ban daup ikki anuqak Apner, nug am Ner bekka, nug aa niittep aben anttom. Saul nug aab amu gamagppanab niie, nuhikkud ban danab ag nug talilidna niiegeg anttom.