1 Samuel 17:51 - Nobonob Baibel

⁵¹ Goliat nug iɗu wanppa anam niieye, Dawit nug qaiqaɗ gumitta wana, hibaitta dayaya, nug Goliatnu qep elab nuhig gaɗappanu awa, Goliat mauhkkun niie, paha mauha autanab aokkunu, nug qep amuppa ikki baagppa okkula awom. Dawit nug anam he, Pilistia aɗi ag danab okkai ahilag mauhom anidna, ag oolna goppig.

1 Samuel 17:51 ပူးပေါင်းရင်းမြစ်များ

2 Samuel 23:21

Amu haen laa nug Isip ted okkai naɗi laa, nug danab amu qe mauhom. Isip ted nug ban aɗe, Benaia nug daɗibib aɗom, amge nug danab amu ele ban hekkulahnu ha wana, nug Isip tednu ban aɗom amu, nug ban amu qa oqaia, aɗitta awa, nug Isip ted nukka nuhig ban, nug amuppa eɗua nug ye mauhom.

2 Samuel 4:7

Danab aɗit aa amu hekkulahnu hepiɗ, haen Isboset nug qaɗaqaɗppa niieye, aa ippu hak heya, wit lag ooppanu awaknu heya goya, Isboset niiomppa teya, yaapiɗ. Aa yoya, aa nug ikki baagppa otaɗya, ikki aoya oolya goya, atu onig Araba, aa amu oppatya ukkaeheh, tueb me ukkaeheh, wagkkaɗom.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Hibru 11:34

Amu ag heeg, aab nau qauhppig. Ag qep elab aqamanu dekkaɗppig. Ag gai-iitta daappig, amge dimppa ag ɠagattag aoppig. Ag ban danab ɠagattag bena amu, ag aab laalappanu ban daup lamatteg goppig.

Hibru 2:14

Nid naunau amu ag anilkad mamelkad ag beɗulag bia beɗulag aon oitteb amunu, Jesus Nug Satannu ɠagattag, ɠagattag amuppa Satan nug he danab mauhtteb amu, Nug ɠagattag amu heeb iitta mekkunu, Nug danab ag wan imuppan oiyak ahilagppa haen oh mauhaknu baɗak doon, ag amuppa hippalak daappig ele amu, ag amunu uhuqak ele madakkunu, Nug ele danab beɗu awa, Nug mauhom.

1 Samuel 17:50

Dawit nug ib amuppa Goliat qe mauhom. Nug ketapol men laippu eleppa eɗittom; qep elabppa ii qe mauhom.

1 Samuel 21:10

Ahimelek, Dawit ele aa anam heya maloya, amu Dawit nug Saul aɗamanu aha oola, Akis gumitta ukkom. Akis nug Gat dilag king.

1 Samuel 21:9

Dawit nug anam amegppa a amu, Ahimelek nug nob ma inam aum. “Pilistia danab, Goliat, na oolnu noak onig Ela, na appa nug qee mauhom amu, danab amu, nuhig qep elab ippa ina daatte. Qep elab amuam lamen laappa hautak, kunup laa, ag lamen enanag-epod kunup amuppa aihtteb ele amu, am kunup amu dimugppa daatte. Na aokkut dayeb amu, na aokkut. Aɗinu? Qep elab laal ii daatte.” Ahimelek nug anam aum. Ahimelek anam a amu, Dawit nob ma amegppa aum. “Da meɗe! Qep elab amubia laa iitta!” awa aum.

1 Samuel 31:9

Ag Saul mauhom gaɗa anidna, ag nug baag otaɗna ikki aon, nuhig bannu klos uɗidna awon, ag nai awa ukkak danab, ag Israel ban eɗidppig, ag nai amu aon, ahilag kayak hambuppuak dottolkad dilag mettid lag, amuppa gona akkulagnu, am Pilistia danab ah ele amelagppa appeg dooglagnu maatteg goppig.