1 Samuel 17:45 - Nobonob Baibel

⁴⁵ Goliat nug anam a amu, Dawit nug nob ma aum. “Na qep elab, ban elab, am ban tutu ele aon, da ele ban hekkunihnu uɗime, amge da Yawe Nukka Ɠagattag Oh Ele, da Nug onigppa, da na ele ban hekkunihnu uɗittem. Nug am Israel ban danab dilag Kayak. Na nuhignu guhig ahaknu nai ame.

1 Samuel 17:45 ပူးပေါင်းရင်းမြစ်များ

2 Stori 14:10

Ag uɗieg, Asa nug nuhikkud daup ele ag ahan gona, Sera, nuhikkud daup ele uɗalag tekkulagnu goppig. Ag gona Maresa guguittak teeg, oolnu noak onig Sepata, ag appa ban hekkulagnu bappaidppig.

2 Stori 32:8

Asiria dilag kingnu ɠagattag am danabib, amge Yawe, ihinig Kayak, Nug ig ehanigkkunu, Nug heeb, banppa ig kekeɗ eɗadkkunignu, Nug ig ele daattem,” awa aum. Juda dilag king Hesekaia nug anam a, daup ag oolag ɠagattag qak dooppig.

Sam 124:8

Yawe Nug ig ehanigtte. Nug hab, wan ele haatom.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 20:8

Aabaab amu ag gatelag qaun ona daan, ag geha nena qena autnanab aoglag, amge ig am ahat, alet anam hippaitta daagnig.” Laa nug anam aum.

Sam 3:8

O Yawe, na ig ehanikke, ig kekeɗ ihinkad eɗadttem. Na nahipad danab ah itadkkutnu oɗ medattem. Sila.

Sam 44:6

Da dakka dahil latppa kekeɗ eɗadkkulnu oolppa genab ii doottem. Am genab, dahil qep elab nug ehaniɗeb, da ena daakkulnu ii dabmettem.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 37:28

Na hee, ag anam daappig, amge na adeppa daattem amu, da doottem. Na ahan laih gottem amu, da doottem. Na eɗun uɗittem amu, da doottem. Da amu oh doyen, da na dahilnu oppoɗi bak huanak doottem amu, da doottem.

2 Korint 10:4

Ban haknu keeke oh ig aɗattem amu, ag wanppan keeke iitta. Iitta. Ig aɗattem ele amuam Kayaknu ɠagattag ele, amuppa ig kekeɗnu ban haknu aben ɠagattag loppaɗttem.

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

1 Samuel 17:10

Gemu da ag Israel, da ag amelagppa guhig ahaknu nai inam attem; ag oolagppanu laippu laa nug neeb, da ele ban heɗu!” Goliat nug huan ɠagattag anam eum.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.

1 Samuel 17:6

Nug baekuɗ am bras qattippa hautatowa, nuhig ban tutu am ele brasppa hak; nug ban amu muɗippa aeg, ikki ele qakka, huma gugappa gaɗom.