1 Samuel 17:41 - Nobonob Baibel

⁴¹ Dawit nug Goliat ele ban hekkulahnu noono amu, Goliat nug aha, digma, Dawit ele nug uɗa tekkulahnu doum. Am danab nug Goliatnu bannu keeke mawom ele, nug Goliat noobppa anuqa waawo, Goliat nug danab amu dim lamitte waya, Dawit gumidya teeh,

1 Samuel 17:41 ပူးပေါင်းရင်းမြစ်များ

Josua 8:18

Anam daye, Yawe Nug Josua amegppa aum. “Da geha na aab okkai umu medakkul amunu, na nahip ban aeg Ai eppone!” awa aum. Nug anam a, Josua nug Yawe hekkununab aum bia heum.

1 Samuel 17:40

Mewowa, Dawit nug nuhig dudqak hokkat awa, lenagppa noa, men doɗo naunau ena tanig ele awa, battam nuhigppa inattom. Nug men awa, ketapol aɗaɗa, nug Goliat ele ban hekkulahnu gumitta waum.

1 Samuel 17:42

Dawit waawo, Goliat doowo, nug gukkuidyaya amu, Goliat nug Dawit miagib anttom; nug am nid bau, nug iɗu enanag, amge nug am danab ɠagattag ii meum anttom. Goliat nug Dawit anam anttom amunu, nug nuhignu, “Nug am keeke hamunab”, dabmeum.

1 Samuel 17:7

Nuhig ban qaɗib am teppunab, ban amu aeg am, ag aen hoin, ⌊aɗaeg teum⌋. Ban aeg aen hoippig amu, uug nuhig am 7 kilogram. Ban okkai nuhig am anam aakku, amu ban danab laa nug Goliat noobppa anuqa ukka, Goliatnu guppiɗ maottom.