1 Samuel 17:11 - Nobonob Baibel

¹¹ Goliat nug anam e, Saul amu Israel ban danab laa ele ag doyeg, ag oolag uug nau qe, ag eheɗ nau baɗappig.

1 Samuel 17:11 ပူးပေါင်းရင်းမြစ်များ

Sam 118:6

Yawe Nug da ele daattep amunu, da ii baɗapa. Ao, ⌊Yawe Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Aisaia 57:11

Amu ag auntai laa eheɗ baɗidppig amunu, ag da dimeɗan, dahilnu daulag atie, ag dahilnu dabmak ele ii aoppig? Ag eheɗ heegeg, haen elabnab uɗie, da bu ag paha ii mattami amunutai, ag bu mettak dahilnu ag ii baɗatteb?

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

1 Samuel 13:7

Israel laa ag anam lokkumna daanna, laa ag ahan, Jodan leppa, le baag qak daattebppa, ag appa le mataɗna, Israel dilag wan laih laa, am Israel dilag huu okkai Gadnu wan, amu Israel wannu laih Gileat, ag appa ele gona, lokkumna daappig. Amu Israel danab laa ag gona, anam lokkumna daaegeg, Saul nug Gilgal appa dayeye, nuhikkud daup laa, ag lokkumak daaglagnu ii oolppig amu, ag appa nug ele daappig amge ag huan baɗaeg, beɗulag hahaɗom.

1 Samuel 17:10

Gemu da ag Israel, da ag amelagppa guhig ahaknu nai inam attem; ag oolagppanu laippu laa nug neeb, da ele ban heɗu!” Goliat nug huan ɠagattag anam eum.

1 Samuel 17:12

Amu Dawit mameg Jesi amu, Saul nug Dawit ukkeb, nug ele daaglahnu Jesi oɗ mette, nug ena aum amunu, nug ukke, Saul ele daapiɗ, dimppa amu nug eɗua mameg toppa ukka, nuhig sipsip guma, eɗua Saul toppa ukka ehanitta, eɗua ukka, mamegnu sipsip gumattom. Jesi nug am Betlehem danab, Israel dilag huu okkai Judanu; nuhig aab ikki am Eprata. Haen Saul nug king dayom, Jesi nug kaino meum. Nug bekkod nid danab am eblaih ewam ele. Dawit nug am huh bieg. Aria, nid danab tatamnu, nug dimugppanu, amu nug dimugppanu ele, ewam amu ag Saul dim lamidna, Pilistia ele ban hekkulag goppig. Nid danab tatamnu onig Eliap, nug dimugppanu onig Abinadab, amu nug dimugppanu Sama.

1 Samuel 21:13

Dawit nug Akis baɗittom amunu, haen nug Akis, nuhikkud ehanittak ele gukkuattak dayom amu, nug nuhig oiyak kobol laappa oiyom. Nug ag oolagppa dayaya, kaaka laa bia heum. Nug anam ha, nug aabnu od okkai, nug amuppa kaaka nai ya, amu nug waɗu he na, akkaɗippa dayom.

1 Samuel 7:7

Haen Pilistia danab ag, “Israel Mispa appa qagmetteb,” ag nai amu doona amu, ahilkad king tanig ele, daup ahilkad ele ag ahan, ag Israel ele ban hekkulagnu goppig. Ag ukkaegeg, Israel ag amu doon, ag oolag baɗe,