1 Samuel 17:1 - Nobonob Baibel

¹ Pilistia ag Israel ele eɗun, ban hekkulagnu hena, ban danab ahilkad amu heeg gona, Juda dilag aab laa onig Soko, appa qagmeppig. Ag appa qagmewona, dimppa ag ahan gona, aab Soko, amu aab Aseka ele gamalahppa, Epesdamim appa haen tutu dayaknu aab kalan daappig.

1 Samuel 17:1 ပူးပေါင်းရင်းမြစ်များ

1 Stori 11:13

Deɗ laa Pilistia ban danab ag Pasdamim appa Israel ele ban hekkulagnu qagmeeg, Eleasar, nug Dawit ele appa daapiɗ. Pilistia, Dawit, Eleasar, Israel dilag ban danab ele ag oh appa daanna, ban henana, bali dad okkaippa Pilistia wagainab meeg, Israel dilag daup ag oolppig.

2 Stori 11:7

Betsur, Soko, Adulam,

Jeremaia 34:7

Jeremaia nug nai amu Sedekaia amegppa aum, haen amuppa Babilon dilag king Nebukatnesar nug Jerusalem, amu Juda aab aɗit laa, aa ii neya qepiɗ ele, amuam Lakis, Aseka ele, nug aab ewam amuppa ele ban heum. Aab ɠagattag, aɗ ele Juda ooppa daappig amu, aab amu oolagppa aab ewam amu aakkuib ag ii nena qeppig; Nebukatnesar eppegppa ii daappig.

Josua 15:35

Jarmut, Adulam, Soko, Aseka,

Ikki Danab 3:3

Amu Kanan wanppa danab huu anen anen, ahilag wan obatak laala eleppa daaegeg, Yawe uuatte daappig ele am iikku: Pilistia aab okkai tanig ele, ahilkad gumattak danab ele, amu Kanan danab, Saidon danab, Hiwi danab ele ag Lebanon wanppanu qaukoppa daappig. Ag wan amuppa qauko onig Balhermon ukka, Lebo Hamat batakppa daappig.

1 Samuel 13:5

Israel ag appa qagmeegeg, Pilistia ag Israel ele ban hekkulagnu ele aab onig Betawennu kaɗag uɗitteppanu Mikmas appa qagmeppig. Pilistia qagmeppig ele am inam: daup ag bannu karis attan daan, ban hetteb am, 3,000, daup ag hos attan daan, ban hetteb am, 6,000, amu daup ag baelagppa oinna, ban hetteb ele amu, ag am huanaknab, abuɗ yu daugppa daatte, amubia.

1 Samuel 14:46

Aria, amu dimugppa amu, Saul nug Pilistia lamadkkunu uue, Pilistia ag gona, ag wanelagppa daappig.

1 Samuel 14:52

Amu haen Saul nug king dayeye, nug nuhikkud daup ele ag hanhan Pilistia ele ban eheɗ heppig amunu, haen adekkuppa Saul nug Israel danab laa, nug am danab ebehi ele, o nug am danab nug ooppa ɠagattag doyak ele amu, Saul nug danab amubia antta, nug danab amu nuhig daup daakkunu tituanom.

1 Samuel 7:7

Haen Pilistia danab ag, “Israel Mispa appa qagmetteb,” ag nai amu doona amu, ahilkad king tanig ele, daup ahilkad ele ag ahan, ag Israel ele ban hekkulagnu goppig. Ag ukkaegeg, Israel ag amu doon, ag oolag baɗe,