1 Samuel 16:22 - Nobonob Baibel

²² Am Dawit nug keeke anam heehe amu, Saul nug Jesi toppa nai me ukke aum. “Da Dawitnu oolppa ena doottem amunu, nug da ele ippa daaɗa, da ehaniɗkkunu oɗ medattem,” awa aum.

1 Samuel 16:22 ပူးပေါင်းရင်းမြစ်များ

Genesis 30:27

Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Genesis 39:4

nug nuhignu ena doya, nug he, Josep nug nuhig maɗi nidnab dayom. Josep anam dayeye, Potipar nug nug laug, nuhikkud keeke laa oh ele Josep gumakkunu eppegppa meum.

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Daniel 1:5

King Nebukatnesar nug Aspenas amegppa anam ana mala, Aspenas nug tituanatta maleb, nid tituanadkku amu, ag laa am ag kingnu ee lanak balalppa haen oh ahilag ee, wain ele aon madappeg lakkulagnu ele aum. Nid amu ag maɗ ewam sulppa daan, dimppa ag kingnu ikki danab daaglag.

Duteronomi 1:38

Amge nahip qekkaɗak, Nan bekka Josua, nug nokku. Nug geha Israel danab ah anuqa, omalatteb, wan amuam ahilagnu, ag aulag daakkunu nokkulag amunu, na nug wan amuppa nokkunu nug oo ɠagattag qette!

1 Samuel 16:21

Saul nug nai anam me ukke, Dawit ukka, Saul gumitta ta, nug aakku digma, Saul ehanittom. Amu Saul nug Dawitnu oo huan daye, nug he, Dawit nug nuhig daup laa, ag Saulnu bannu keeke maoppig ele, Dawit ele nug amu oolagppanu laa aakku dayom.

1 Samuel 16:23

⌊Saul nug nai anam me, Jesi toppa ukke, Jesi nug Saul aum, nug amunu ena doye, Dawit nug Saul ele daaeheh,⌋ haen ouɗi nau amu, Kayak Nug ib oo ii neum ele amu, haen nug Saul nuhigppa uɗia, Saul nau mette daye, Dawit nug harp qe, ouɗi nau amu Saul uuitte, eɗua ena dayom.