1 Samuel 16:21 - Nobonob Baibel

²¹ Saul nug nai anam me ukke, Dawit ukka, Saul gumitta ta, nug aakku digma, Saul ehanittom. Amu Saul nug Dawitnu oo huan daye, nug he, Dawit nug nuhig daup laa, ag Saulnu bannu keeke maoppig ele, Dawit ele nug amu oolagppanu laa aakku dayom.

1 Samuel 16:21 ပူးပေါင်းရင်းမြစ်များ

Genesis 41:46

Josep nug maɗ 30 dayaya, nug Isip dilag King Paronu uɗat digma, nug toppanu aha ukka, Isip wan ooppa talilia oiyom.

1 King 10:8

Kuin nug nai anam anana amu, nug baula aum. “Nahipad danab ag gamag ahak okkainab dootteb bia doottem. Nahip ehanittak anuqak danab ag hanhan na noomppa daan, nahip doyak dabmak ena ele dootteb amu, ag ele gamag ahak okkai dootteb bia doottem.

Sam 118:9

Yawe, nuhig ehanittaknu ooppa genab doyaknu amu ena; king tiilagppan danab dilag ehanittaknu ooppa genab doyaknu, amuam ena iitta.

Sam 146:3

Wanppan gumak danab ag na aun, ag na padal memananu ehanidkkulagnu elele iitta, na amu dilag aib ootppa genab doome. Ao, wanppan danab mauhtteb ele, ag na padal memananu ehanidkkulagnu elele iitta, na amu dilag aib ootppa genab doome.

Sam 62:9

Danab onilag iitta, ag am keeke hamu, ulah bia daatteb. Danab ag onilag ele, ag am keeke ii daatte bia daatteb. Laa nug ag oh ag uulag anidkkunu skelppa maatta neekka, nug skelppa aɗitai keeke laa ii daatte anidkku.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Duteronomi 1:38

Amge nahip qekkaɗak, Nan bekka Josua, nug nokku. Nug geha Israel danab ah anuqa, omalatteb, wan amuam ahilagnu, ag aulag daakkunu nokkulag amunu, na nug wan amuppa nokkunu nug oo ɠagattag qette!

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Ikki Danab 9:54

Nug ikki aoɗe, aakku nug danab nug nuhig bannu keeke mawom ele, nug danab amu amegppa aum. “Nahip qep elab eeɗna aon, da duul o! Na da duul ii okkut amu, danab ag, ‘Ah laa Abimelek qe mauhom,’ akkulag! Da ag anam akkulagnu, da ool iinab daatte!” awa aum. Nug anam aum amunu, danab bau amu nug nuhig qep elabppa ye mauhom.

1 Samuel 16:22

Am Dawit nug keeke anam heehe amu, Saul nug Jesi toppa nai me ukke aum. “Da Dawitnu oolppa ena doottem amunu, nug da ele ippa daaɗa, da ehaniɗkkunu oɗ medattem,” awa aum.

1 Samuel 17:55

Aria, haen tatam Saul nug Dawit Goliat ele ban hekkulahnu ukkom antta, nug ban daup ikki anuqak Apner oɗ metta aum. “Apner, danab diig attemnab nug am nid bau inam mameg beum daatte?” awa oɗ mettom. Nug anam awa oɗ mette amu, Apner nug nob ma aum. “O king, na genab bau daattem, genab amubia da amu genab ii doottem,” awa aum.

1 Samuel 19:7

Saul nug anam awowa, aria nug Jonatan uuitta ukkom. Nug ukke dimppa, Jonatan nug Dawit onigppa e, Dawit uɗie, amu Jonatan nug aɗi nai Saul nug aum amu, nug Dawit amegppa aum. Nug Dawit amegppa ana malowa, aria nug Dawit omala, Saul toppa ukke, nug daattom bia Saul toppa dayom.