1 Samuel 16:18 - Nobonob Baibel

¹⁸ Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 16:18 ပူးပေါင်းရင်းမြစ်များ

Genesis 39:2

Josep nug appa uɗat heehe, Yawe Nug Josep aɗi heum amu ehanitte, keeke oh ena be, nug Isip ted Potipar laugppa dayom.

Genesis 39:23

Yawe Nug Josep aɗi keeke anen anen heum ele amu ehanittette, keeke anen anen elelenab beum amunu, maniguittak gumak ikki danab nug uɗat laala Josep eppegppa meum ele, nug amunu dab-ii-mettom.

2 Samuel 14:20

Amge nug amu heumnu diig am, uug gemu daatte, uug am iitta mekkunu heum. Na, na dahil naɗi, na Kayaknu engel nug doyak dabmak ena ele, na amubia daattem. Na anam daanna, na aɗi keeke, aɗi kobol wan imuppa bette amu, na amu ohnab doottem,” awa aum.

2 Samuel 17:10

Nai amubia aheb amu, nahipad daup oh baɗaglag. Ge, nahip daup laa nug laion, doɗ laa oh ii baɗadtte bia daatte, daup amu nug hanhan keeke laanu ii baɗatte, ooppa ɠagattag doyakib dootte, amge nug nai amu doya, nug ele eheɗnab baɗakku. Aɗinu? Israel oh ag na mamennu, nug ban danabnab daatte doon, nuhig daup ag ban hekkulagnu ag oolag ɠagattag doyak okkai daatte ele dootteb.

2 Samuel 17:8

Na doottem. Na mamen, amu nuhikkud daup danab ele ag am ban haknu doyak danab. Ag bea anig, laa nug bea amu nakkud diie, bea anig amu paha ban huana hette, ag ban anam bia hetteb. Keeke laa ele amu, na mamen nug haen kuɗum banppa dayom, nug ban haknu kobol oh doya malom. Nug heeb, gemu tuqan imu nuhig daup danab oh ag ele ii niimna.

Prowerb 12:8

Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 16:12

Samuel nug anam a amu, Jesi nug nid laa ukka, Dawit omala uɗikkunu he ukka, omala uɗiom. Dawit iɗu am anttaknu enanag, beɗu ele ena, ɠagattag, amu nug ameg ele ena amahaltte. Nug uɗia do, Yawe Nug Samuel amegppa aum. “Nug aakku, da nug king daakkunu tituanmi amunu, na nug king daakkunu goɗen gokkaɗakppa tituane!” awa aum.

1 Samuel 16:17

Ag Saul amegppa anam aeg, nug nob ma ag amelagppa aum. “Amu ena, ag gona, danab laa harp qaknu doyak ena ele laa anidna aoppeg, ippa da noolppa uɗiaɗ!” awa aum.

1 Samuel 16:19

Saulnu maɗi nid amu nug anam a, Saul nug nuhikkud danab laa ag appa gokkulagnu he, ag Jesi gumidna gona amegppa inam appig. “Saul nug nahipnu, ‘Na nid nahip Dawit, sipsip gumadtte ele, na nid amu meppe, da gumiɗa uɗiaɗ!’ atte,” aon appig.

1 Samuel 17:12

Amu Dawit mameg Jesi amu, Saul nug Dawit ukkeb, nug ele daaglahnu Jesi oɗ mette, nug ena aum amunu, nug ukke, Saul ele daapiɗ, dimppa amu nug eɗua mameg toppa ukka, nuhig sipsip guma, eɗua Saul toppa ukka ehanitta, eɗua ukka, mamegnu sipsip gumattom. Jesi nug am Betlehem danab, Israel dilag huu okkai Judanu; nuhig aab ikki am Eprata. Haen Saul nug king dayom, Jesi nug kaino meum. Nug bekkod nid danab am eblaih ewam ele. Dawit nug am huh bieg. Aria, nid danab tatamnu, nug dimugppanu, amu nug dimugppanu ele, ewam amu ag Saul dim lamidna, Pilistia ele ban hekkulag goppig. Nid danab tatamnu onig Eliap, nug dimugppanu onig Abinadab, amu nug dimugppanu Sama.

1 Samuel 3:19

Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.