1 Samuel 16:16 - Nobonob Baibel

¹⁶ Anam anana, ag tuɗidna nug amegppa appig. “Naɗi, ig nahip maɗi nid amu, na ig amenigppa appe, ig gota, danab laa harp-ppa musik qekkunu dootte ele laa anidta, aopput daakku; aria haen ouɗi nau Kayak noobppanu uɗitte ele, nug uɗia, na uug metteb, danab amu nug geha harp-ppa musik qeeb, na eɗun ena daakkut,” aon appig.

1 Samuel 16:16 ပူးပေါင်းရင်းမြစ်များ

Genesis 41:46

Josep nug maɗ 30 dayaya, nug Isip dilag King Paronu uɗat digma, nug toppanu aha ukka, Isip wan ooppa talilia oiyom.

1 King 10:8

Kuin nug nai anam anana amu, nug baula aum. “Nahipad danab ag gamag ahak okkainab dootteb bia doottem. Nahip ehanittak anuqak danab ag hanhan na noomppa daan, nahip doyak dabmak ena ele dootteb amu, ag ele gamag ahak okkai dootteb bia doottem.

2 King 3:15

Elisa nug anam awowa, nug aum. “Heppeg, danab laa harp qak dootte ele uɗiaɗ!” awa aum. Nug anam a, danab harp qak doyak ele uɗia, harp qeeqe, Yawenu ɠagattag amu Elisa, nuhigppa uɗiom.

1 Samuel 10:5

Keeke amu beeb, dimppa amu na gona, Kayaknu aab Gibea, Pilistia danab ag appa daup dayaknu aben bappaidppig daatteb amu, na gona, aab amu gukkuidppeppe, propet danab laala ag aabnu mettid lag nakokppanu nebeppeg, huu laa ag propet noolag aon, musik haknu keeke digdig onig laia, tambarin, dumuttum, harp ele hebeppeg amu, propet ag propet nai mattiglag.

1 Samuel 16:14

Amge Yawenu Ouɗi Nug Saul uuittom; Nug Saul ele ii daaeh, ouɗi nau Yawe noobppanu ukka, uug nau Saul mettom.

1 Samuel 16:15

Anam daye, danab ag Saul ehanidtteb ele ag nug amegppa appig. “Antte! Imuam ouɗi nau laa Kayak noobppanu uɗia, na uug nau mette nauhme,” aon appig.

1 Samuel 16:17

Ag Saul amegppa anam aeg, nug nob ma ag amelagppa aum. “Amu ena, ag gona, danab laa harp qaknu doyak ena ele laa anidna aoppeg, ippa da noolppa uɗiaɗ!” awa aum.

1 Samuel 18:10

Aria, wagɗe deɗ amuppa ouɗi nau Kayak noobppanu ukka, wagainab ma, Saul uug nau mette, Saul nug nug laugppa dayeye, nuhig dabmak eɗitte, nai digdig mattiom. Nug anam heehe, Dawit nug haen oh Saul nug anam heehe, harp qeum amu, nug anam dayaya, harp qeeqe, Saul nug eppegppa ban gudkkud aɗa dayom.

1 Samuel 19:9

Dawit nug Pilistia eɗattom dimppa, deɗ laa ouɗi nau Yawe noobppanu ukka, Saul uug nau mette, Saul ban gudkkud nuhig aɗa laugppa dayeye, Dawit nug ehanidkkunu harp qeum.