1 Samuel 16:13 - Nobonob Baibel

¹³ Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 16:13 ပူးပေါင်းရင်းမြစ်များ

2 Samuel 12:7

Dawit nug anam a amu, Natan nug eɗua amegppa aum. “Danab kobol nau amu heum am naib! Yawe, Israel dilag Kayak, Nug na amenppa atte. ‘Da na Israel dilag king daakkutnu goɗen gokkaɗakppa tituanitti, na king daattem. Da hei, Saul ii nitte mauhme.

2 Samuel 2:4

Ag anam daaegeg, Juda danab ag Hebron uɗin, ag Dawit nug ahilag king daakkunu hena, ag Dawit king daakkunu goɗen gokkaɗakppa tituanppig. Ag anam heppig dimppa amu, laa ag Jabes Gileat danab ag, Saul mauhe, haen elab ii ukke, ag gona gaɗa awona, ag aon uɗin boumppig Dawit amegppa aeg doyom.

2 Samuel 23:1

Imuam Dawit, nug nuhig mauhaknu haen miag daye doya, nug nai laa inam mattiom. Imuam Jesi bekka Dawitnu nai meunab ele. Ao, imuam Kayak Attannab Laa Oh Eɗattak Nug he, Dawit nug danab okkainab dayom, am nuhig nai meunab ele. Jakopnu Kayak, Nug Dawit king daakkunu goɗen gokkaɗakppa tituane, nug king dayom. Ge, Dawit nug Israel dilag ahi enanag ettaknu danab dayom.

2 Samuel 5:3

Ag anam aeg, Israel dilag ikki danab oh ag King Dawit gumidna, Hebron uɗieg, nug he, ag nug ele Hebron appa, Yawe noobppa nug tituanna, nai qagappig. Ag nug tituanna, nai qakkan, ag Dawit, nug Israel oh dilag king daakkunu goɗen gokkaɗakppa tituanppig.

2 King 9:6

Propet nug anam a, Jehu nug ahe, aa lag ooppa noya, propet nug olip goɗen amu awa, Jehu igippa gokkaɗowa, nug Jehu amegppa aum. “Yawe, Israel dilag Kayak, Nug atte. ‘Gemu da na Israel dilag king bekkutnu goɗen gokkaɗakppa tituanidttem. Na geha dahilad danab ah Israel gumadkkut.

1 Stori 11:3

Ag anam aeg, Israel dilag ikki danab oh ag Dawit gumidna, Hebron uɗieg, nug he, ag nug ele Hebron appa, Yawe noobppa nug tituanna, nai qagappig. Ag nug tituanna, nai qakkan, ag Dawit, nug Israel oh dilag king daakkunu goɗen gokkaɗakppa tituanppig. Yawe Nug Samuel oɗeppa amu bekkunu aum, aumbia Dawit nug king abenabppa ta dayom.

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Sam 89:21

Da nug ɠagattag medakkul. Ge, da nug ehanidppi, ɠagattag daakku.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Namba 27:18

Moses nug anam Yawe amegppa a amu, Nug Moses amegppa aum. “Da Ouɗil amu Nan bekka Josua, nuhigppa daatte amunu, nug onigppa eppe uɗiaɗ! Nug uɗieb amu, na heppe, nug mana mettak danab Eleasar, amu danab ah oh ele noolagppa hibaitta dayebeb, baɗ mette! Amu na anam hekkutnu amu, na nug aakku nahip aben aokku ippunattak henana, nug gukka laplap eppen mekkut.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Aposel 13:22

Saul nug king dayom, amge Kayak Nug nug geɗittowa, Dawit Israel dilag king daakkunu tituanowa me, nug Dawitnu inam aum. ‘Da Jesi bekka Dawit anidmi; da aɗi dabmak aottem amu, nug ele amuib aokkunu hette, amu nug am geha dahil nai oh dim lamidkku,’ awa aum.

Hibru 1:9

Na genab tutukku hak kobolnu oot mauhom, gemu ele oot mauhtte, kobol naunu amu, na nau ninig ele doome, gemu ele na anam doottem. Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.”

Hibru 11:32

Amu oh ag anam heppig amunu, gemu da aɗi nai laa tuɗitte madikkul. Amu da Gideonnu kaya, Baraknu kaya, Samsonnu kaya, Jeptanu kaya, Dawitnu kaya, Samuelnu kaya, amu propet dilag kaya ele madikkulnu elele amge haen iitta.

Ikki Danab 11:29

Haen amuppa Yawenu Ouɗi Nug Jepta, nuhigppa uɗia a, Jepta nug daup ag Amon danab ele ban hekkulagnu dim lamidkkulagnu nug Gileat wan ooppa, Manase wan ooppa ele oiya oiya ukka, nug Gileat wanppa Mispa teum. Appanu nug Amon banelag ukkom.

Ikki Danab 13:25

Anam amu, Samson nug Mahane Dan appa, aab Sora, aab Estaol ele gamalahppa dayeye, appa Yawenu Ouɗi digma, Samson nug Yawenu uɗat hekkunu dabmak maɗettom.

Ikki Danab 14:6

Haen amuppanab, Yawenu Ouɗi Samson nuhigppa ɠagattag ele uɗie, nug eppegppaib laion aɗa, he nauhom. Nug amu meeme nagppa hak bia uug iitta heum. Amge nug heum, nug amunu mameg o anig amelahppa ii mattiom.

Ikki Danab 3:10

Amu Yawenu Ouɗi Otniel nuhigppa uɗia he, Otniel nug Israel dilag epeɗiak danab beum. Nug Aram dilag king Kusan Risataim ele ban hekkulahnu ukke, Yawe he, Otniel ban eɗittom.

1 Samuel 1:19

Aria, Hana nug anam daye, wagkkaɗe buttuanab ag ahan, Yawe noobppa dup nona binag mewona, ag eɗun, Rama goppig. Rama am ag appalag diig aakku. Ag gona daanna, Elkana nug Hana ele oieheh, Yawe Nug Hananu dabmaama he, Hana nug oo ele dayom. Nug oo ele daye ukke, nuhig haen uɗie, nug nid danab menuom. Nug menua, nug “Da Yawe nid imunu oɗ mettami,” awa aum amunu, nug onig Samuel ataɗom.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 Samuel 10:6

Ag anam hebeppeg anadna, Yawenu Ouɗi Nug ɠagattag ele nahip-ppa ukkeb, na ele propet nai madikkut. Amu na eɗun, danab laa daakkut.

1 Samuel 11:6

Ag aeg Saul doye, Kayak Ouɗi nuhigppa ɠagattag ele uɗie, Saul nug oo huana nauhom.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 18:12

Yawe Nug Saul ele tatam daapiɗ, amu gemu Nug Saul uuitte, nug ele ii daattep, amge Nug Dawit ele daattep amunu, Saul nug Dawit baɗittom.

1 Samuel 2:35

Aa mauhkkulah, amge da heppi, danab laa, nug mana mettak uɗatnu oo metta ii uuak kobol dim lamitta, nug nuhig mana mettak uɗat da ool hette bia tutukku elele hekku amu, nug dahil mana mettak danab daakku. Nug dayebeb, da heppi, nug, nug buɗub ele ag mana mettak danab daaglagnu ɠagattag tuqa ii awak bia aɗaglag. Nug, nug buɗub ele ag king da eppelppa goɗen gokkaɗakppa tituanak aoglag ele, ag ag noolagppa dahil ɗo maɗoɗ uɗat hanhan hekkulag.