1 Samuel 16:12 - Nobonob Baibel

¹² Samuel nug anam a amu, Jesi nug nid laa ukka, Dawit omala uɗikkunu he ukka, omala uɗiom. Dawit iɗu am anttaknu enanag, beɗu ele ena, ɠagattag, amu nug ameg ele ena amahaltte. Nug uɗia do, Yawe Nug Samuel amegppa aum. “Nug aakku, da nug king daakkunu tituanmi amunu, na nug king daakkunu goɗen gokkaɗakppa tituane!” awa aum.

1 Samuel 16:12 ပူးပေါင်းရင်းမြစ်များ

Genesis 39:6

Anam beppig amunu, Josep nug Potiparnu keeke oh gumom. Potipar nug nuhig keeke laanu dab-ii-mettom. Iitta. Nug lanakib laum. Aria, Josep nug nid gaiɗ enanag, iɗu tuqak ele

2 Samuel 23:1

Imuam Dawit, nug nuhig mauhaknu haen miag daye doya, nug nai laa inam mattiom. Imuam Jesi bekka Dawitnu nai meunab ele. Ao, imuam Kayak Attannab Laa Oh Eɗattak Nug he, Dawit nug danab okkainab dayom, am nuhig nai meunab ele. Jakopnu Kayak, Nug Dawit king daakkunu goɗen gokkaɗakppa tituane, nug king dayom. Ge, Dawit nug Israel dilag ahi enanag ettaknu danab dayom.

2 Samuel 7:8

Anam amunu, na gona, dahil maɗi nid Dawit inam appe doyaɗ! ‘Yawe Nukka Ɠagattag Oh Ele Nug inam atte. Na gikkiɗah dad okkaippa sipsip gumattette, da hei, na uɗat amu uun, dahilad danab ah, amu Israel danab ah, na ahilag king daakkutnu meidmi.

1 King 1:34

Nona, appa mana mettak danab Sadok, am propet Natan ele aa Solomon nug Israel dilag king daakkunu goɗen gokkaɗakppa tituaneɗ! Aa amu hepeɗ amu, ag trampet iwalnana, ag baalag okkaippa ekkulag. ‘Solomon nug king haen elab dayaɗ!’ Ag anam aon eig!

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 78:70

Naɗi Nug nuhig maɗi nid Dawit epeɗiom. Yo, Nug sipsip aɗppanu onigppa eum.

Eksodas 2:2

Aa ewau beya daapiɗ, dimppa ah amu nug oo ele daya, nug nid danab laa menuom. Menua, nug nid yuɗ amuam nid ena antta, nug kalam ewam lokkume dayom.

Solomonnu Ahi 5:10

Amu laa nug dahilnu oo mauhtte ele amu, nug am danab iɗu tuqak ele, nug danab ɠagattag; danab 10,000 oolagppa amu, nug enanag daatte, nug laa oh eɗattak daatte.

Gayak Nai 4:7

Juda dilag okkai ag beɗulkad enanag daappig; sno amemɗi aotte, anttak enanag ele, amubia, o huh hakkabnab daatte, amubia. Ge ag beɗulkad am enanag daappig; anttak ahilag am men rubi, amubia. O men sapaia, amubia.

Sekaraia 4:14

Da anam ai, nug aum. “Naɗi, Nug wan atu oh gumadtte ele, Nug danab aɗit aa Nug ehanidkkulahnu goɗen gokkaɗakppa tituanatom amu, ad aɗit amu, ad eppeg aɗit ele am danab aɗit amu ippunadtte,” awa aum.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

Aposel 7:20

Ag uug nau amuppa daanna, haen amuppa Moses anig nug menuom. Nug Kayak noobppa nid ena daye, nug anig mameg ele aa kalam ewam anam lakka lokkumeh dayom.

Hibru 11:23

Moses anig mameg ele aa ele Kayaknu oolahppa genab doopiɗ amunu, anig nug Moses menue, nid enanag anidya, kalam ewam lokkumeh niittom. Aa Paronu oolah ii baɗeɗe hepiɗ.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 17:42

Dawit waawo, Goliat doowo, nug gukkuidyaya amu, Goliat nug Dawit miagib anttom; nug am nid bau, nug iɗu enanag, amge nug am danab ɠagattag ii meum anttom. Goliat nug Dawit anam anttom amunu, nug nuhignu, “Nug am keeke hamunab”, dabmeum.

1 Samuel 17:55

Aria, haen tatam Saul nug Dawit Goliat ele ban hekkulahnu ukkom antta, nug ban daup ikki anuqak Apner oɗ metta aum. “Apner, danab diig attemnab nug am nid bau inam mameg beum daatte?” awa oɗ mettom. Nug anam awa oɗ mette amu, Apner nug nob ma aum. “O king, na genab bau daattem, genab amubia da amu genab ii doottem,” awa aum.

1 Samuel 9:17

Yawe Nug anam mattiom amunu, gemu Samuel nug Saul antte, Yawe nug amegppa baula aum. “Tumai da danab laa uɗikkunu amenppa ami amu, danab imuam nugib. Nug dahilad danab ah dilag okkai daakku,” awa aum.