1 Samuel 15:9 - Nobonob Baibel

⁹ Saul, nuhikkud daup ele ag anam heppig, amge ag Agag qeeg ii mauhom; aria ag sipsip enanag, makau enanag, makau gaiɗ, balat ele enanag, amu sipsip gaiɗ, balat enanag ele, keeke laa oh ena dayom amu, ag amu ele heppeg, Yawenuib nuhig pelemppa daaglagnu uun, ag heeg, Yawenuib, pelemppa ii daappig. Ag doɗ ohnab, keeke laa ohnab ele heppeg, Yawenuib nuhig pelemppa daaglagnu uun, ag doɗ, o keeke nau, o doɗ, o keeke gai-iitta aakkuib, ag heeg, Yawenuib nuhig pelemppa daappig.

1 Samuel 15:9 ပူးပေါင်းရင်းမြစ်များ

2 Samuel 6:13

Digma mawakppa amu, danab ag Yawenu Tituanak Nainu Kunup maon, tappa ukkak eblaih laippu ele ukkaeg, Dawit nug makau dawai laippu, makau nag ittag ele laippu ele manata, Yawe mettom.

1 King 20:34

Aria, Benhadat nug Ahapnu bannu karis attan ta, nug Ahap amegppa inam aum. “Da mamel nug anukka ban haaha, nug na mamennu aab okkai awom amu, geha da aab amu oh eɗue, na medakkul. Laa ele, na keeke meeb, daden maknu aben digdig ele Damaskus, aab okkai amuppa heppe bekkulag. Da mamel anukka nug Samaria aab okkaippa he dayom, amubia na hekkut,” awa aum. Nug anam a, aria Ahap nug Benhadat amegppa aum. “Na anam hekkutnu genab da amelppa attem dayeb amu, da na ele i nug tituanɗa, nai qakkoɗa, amuppa da heppi, na eɗun aon nahip-ppa gokkut,” awa aum. Anam amu, aa nug tituanya nai qagapiɗ. Aa nug tituanya, nai qakkoya, Ahap paɗe, nug ukkom.

Matyu 26:9

Leppu muttuɗig enanag amu, laa ag men doɗo okkaippa daden melob. Ag anam helob amu, nug men doɗo amu daɗek danab mattalo am ena,” aon appig.

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

Josua 7:21

Da banppa keeke aomut ooppanu amu, da lamen elab enanag laa Babilon appa heppig antten awe, da 2.3 kilogram silwa, amu gol maha laa, uug nuhig am 600 gram, da amu ele awen uɗimi. Da keeke amu amel qe aolomnab dabmak eheɗ aomi amunu, da akke uɗimi. Da dahil peh waappa, wan ooppa lokkumadmi daatteb. Silwa amu laa oh eɗattak unuqagnab boummi daatte,” awa aum.

1 Samuel 15:10

Saul anam he, Yawe Nug nuhig nai imu Samuel mettom.

1 Samuel 15:15

Samuel nug Saul anam oɗ mette, Saul nug aum. “Dahilad daup ag Amalek danab eppegppan aonna, ag aon uɗippig. Ag sipsip, makau enanag ele aqaeg ii mauhppig. Iitta. Ag amu hekkulagnu uun, ag doɗ amu Yawe, nahip Kayak, ag doɗ amu main, Nug mettaglagnu aon uɗippig, amge keeke laa oh amu, ig heut, am Yawenuib nuhig pelemppa daatteb,” awa aum.

1 Samuel 15:19

amunu, aɗinu na nuhig nai ii dim lamidme? Aɗinu na Amalek dilag keeke, Yawe Nug ag keeke amu ohnab heppeg, nuhignuib, nuhig pelemppa daaglagnu aum amu, aɗinu na keeke amu aokkutnu na eppen pahanab bahin aome? Amuppa amu, na Yawenu neekkakppa eheɗ heme,” awa aum.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

1 Samuel 28:18

Yawe Nug Amalek dilagnu oppoɗi bak okkai doya, Nug na gona, ahilagppa aɗi hekkutnu na amenppa aum, amge na nai amu tippalna, Nug aum bia na ii heme amunu, Yawe Nug gemu danab ah gumaknu ehah na eppenppanu aakku aɗidtte.