1 Samuel 15:8 - Nobonob Baibel

⁸ Ag anam hena, Saul nug Amalek dilag king Agag aɗa, maniguitte, bau dayeye, Israel ag qep elabppa heeg, Amalek danab ah aɗi laa oh ag Yawenuib nuhig pelemppa daappig.

1 Samuel 15:8 ပူးပေါင်းရင်းမြစ်များ

1 King 20:30

Ag aqaeg, Aram ban danab laala ag oolna gona, aab okkai Apek ooppa noeg, aabnu aɗ amu pana ukka, 27,000 laa aqe mauhppig. King Benhadat nug ele oola, aab amuppa ukkom, amge nug lag laa ooppa noa, oo ooppanab ukka, appa lokkuma dayom.

1 Stori 4:43

Ag gona, ban hena, ag Amalek danab banppanu oolna, ena daappig ele oh aqaeg mauhppig. Ag aqan malona, ag aguppa digmena daaeg uɗie uɗie, gemu ⌊nai imu yaak haenppa⌋ ele, ag appa ana daatteb.

Esta 3:1

Haen laa dimppa, King Ekserksis nug Haman he, wan amunu ikki danab anuqak beum. Haman nug am Hamedata bekka. Hamedata nug am Agag buɗubppan. Nug ikki danab anuqak beum amunu, nug kingnu anuqak danab laa oh eɗattak.

Lewitikas 27:29

Amu danab nug nauhkkun Yawenuib nuhig pelemppa daatte amu, laa nug en mettakppa uhuqkkunu elele iitta. Laa nug anam daatte amu, ag nug qeppeg mauhaɗ!

Namba 24:7

Israel danab ah ag ahilagppa gu huana nekku. Ao, ahilkad ee, keh ele, keeke amu geha le huana aoglag. Geha ahilag king nug king laa onig Agag, nug eɗittak daakku. Ao, geha ahilag ɗo maɗoɗ am okkainab daakku.

Josua 10:39

Josua, nuhikkud daup ele ag aab okkai amu eɗadna, ag aab okkai amunu king ele eɗittona, ag aab naunau talilittak daappig ele eɗadppig. Israel ag Debir aqona, aab naunau talilittak daappig ele qep elabppa aqappig. Israel ban danab ag danab ah oh Debirnu, amu aab naunau talilittak daappig, appanu oh am ag heeg, ag Yawenuib nuhig pelemppa daappig. Ag laippu laa ii uueg, hamu dayom. Ag aab Debirnu, Debirnu kingnu ele amu, ag aab Lipna, am Lipnanu king ele, aria aab Hebron am Hebronnu king dilagppa heum bia, ag Debir, am nuhig king eleppa heppig.

Josua 11:12

Josua nug king amu oh, ahilkad aab okkai ele eɗatta, nug qep elabppa aqom. Nug Yawenu maɗi nid Moses hekkununab aum bia, Josua nug he, king amu oh, ahilkad aab okkai ele, ag Yawenuib nuhig pelemppa daappig.

Josua 8:23

Ai dilag king aakkuib ag aɗan aon, Josua toppa goppig.

1 Samuel 15:20

Samuel nug anam a amu, Saul nug aum. “Iitta! Da Yawe oɗe dim lamidmi. Da Yawe Nug da aɗi hekkulnu aum amu, da ukken hemi. Da Amalek danab ah aɗi, amu ahilkad keeke oh ele hei, am Yawenuib nuhig pelemppa daatteb, amu da ahilag king, Agag, da nug awe uɗimi.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

1 Samuel 22:19

Doeg nug amu hewowa, nug aha, aab Nop, mana mettak danab ag aab amuppa daappig amu, nug appa ukka, nug danab oh aqe mauheg; nug danab, ah, nid naunau, am nid yuɗ ele aqowa, nug makau, donki, am sipsip ele oh aqom.

1 Samuel 30:1

Akis Dawit amegppa nug nuhig ban danab huu ele eɗun gokkulagnu a, aakku ag eɗun deɗ aɗit gona, gona, deɗ ewamppa ag aab ag daattebppa teppig. Aab amu onig Siklak. Ag gona, aab ag daatteb ele amuppa teppig, amge haen ag ii daaegeg, Amalek ban danab huu ag uɗin, Juda wan laih ulah yau uɗitteppanu, appa ban henan, uɗin Siklak aabppa ele ban heppig. Ag banelag uɗin, ban hena, aab Siklak manaeg ewom.