1 Samuel 15:35 - Nobonob Baibel

³⁵ Amu Samuel nug Rama ukka daye ukke mauhom. Nug appa dayaya, haen amu oh nug baula Saul ii anttom, amge nug Saulnu oo uug dayeye, nuhignu gayom. Yawe amu, Nug Saul Israel dilag king daakkunu meum amu, Nug amunu oo uug dayom.

1 Samuel 15:35 ပူးပေါင်းရင်းမြစ်များ

Genesis 6:6

Nug amu antta, danab wanppa daaglagnu hattomnu kahipa aoɗom bia doya, ahilag haknu ooppa guittak doyom.

2 Samuel 6:23

Amu Saul aɗeg Mikal nug haen amu ii nak nug nid laa ii menuom, amu dimppa ele ii menuewe ukke, mauhom.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Sam 119:158

Danab ah ag na aɗi attem, ag amunu oolagppa genab ii dootteb, ag nahip nai ii dim lamidtteb amunu, danab ah amunu da oolppa uuaknab doottem.

Pilipai 3:18

Aɗinu? Danab kuɗum laa, ag ig oittem bia ii oitteb. Da matu haen kuɗum ag amelagppa danab amunu ami, amubia gemu ele iikku aiyi, amel leb nette. Ag Kristus, Nug ad emaitakppa mauhom, ag dabmak amunu kekeɗab daatteb.

1 Samuel 15:11

“Saul nug da dimeɗa, dahil nai tappe neum amunu, da hei, nug Israel dilag king daatte amu, da amunu oolppa uugnab doottem,” awa aum. Yawe Nug Samuel amegppa anam a doya, Samuel nug oo uug ele daya, nug tuqan amu oh Yawe unuqittom.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 Samuel 19:24

Saul nug anam haaha ukka, Naiot ta, nug lamen elab amu uɗa awa, nug lamen elab, lamen amu iitta ele dayom. Nug ele Samuel amegppa propet nai mehuqom. Nug anam ha, dimppa nug lamen elab ele uɗak, lamen laa aakkuib beɗu hautak dayeye, deɗ amuppa nug amun, tuqan ele wanppa niiom. Nug anam niieye, danab ah ag diig amunu, “Saul nug ele propet ele qagmeppigte?” aon adappig.