1 Samuel 15:32 - Nobonob Baibel

³² Saul nug Yawe binag me, Samuel nug aum. “Ag Amalek dilag king aon, dahilppa uɗieg!” awa aum. Nug anam a, ag aon uɗiegeg, Agag nug uug ii doya uɗiaya, nug inam dabmeum. “Saul he, da ii mauhmi; gemu ele ag heppeg, da ii mauhpa.” Nug anam dabmeum.

1 Samuel 15:32 ပူးပေါင်းရင်းမြစ်များ

Jeremaia 48:44

Ge, Yawe atte. “Da Moap danab ah ahilag bu awak haenppa bu madakkul amunu, aun nug baɗak eheɗ nau anidmanu ooltte amu, nug wan moɗppa na qekku. Laa nug moɗppa na qa, eɗua dimittim doa, nug eɗua, pelemppa tekku.” Yawe Nug atte.

Hosea 6:5

Diig amunu da hei, dahilad propet ag ahilag naippa hatteg nauhppig; danab nug layag beɗu qep-ppa he nauhtte bia. Yo, da dahil naippa ag eheɗ hatten, mauhkkulagnu ippunadmi. Tuqan nug amun genab dim lamidtte, amubia dahil bu mattak ag genab aqadkku.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Josua 10:22

Ag gona daaeg, aria Josua nug aum. “Men okkai okkai wan oɗe keldoak amu mautattona, king tanig ele amu diin, dahilppa uɗieg!” awa aum.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

Ikki Danab 8:11

Ag appa daappig, amge Gideon nug nuhikkud daup ele ag tutukku Karkor ii goppig. Iitta. Ag Noba gona, Jogbeha tena, amu Karkor teppig. Amuam ib laa danab ag keeke aon gona, wan laappa dadennu meeg, daden metteb ele, ag ippulag. Amu Gideon aɗi ele ag anamppa gona teeg, Midian dilag daup appa daappig, ag uug laa bekkunu dab-ii-mena daaegeg, Gideon aɗi ag appa banelag teppig amunu, ag eheɗ ottaippig.

1 Samuel 15:31

Saul nug anam a, Samuel nug eɗue, nug ele goya, Saul nug Yawe noobppa dup noa binag meum.

1 Samuel 15:33

Agag nug anam dabmeum, amge Samuel nug aum. “Na qep elabppa hee, nid anilkad kuɗum ag nid iitta daappig, amubia na anin nug ah oolagppa nid iitta daakku,” awa aum. Nug anam awowa, nug Gilgal appa, Yawe noobppa Agag makkuɗe mauhom.