1 Samuel 15:24 - Nobonob Baibel

²⁴ Samuel anam a, amu Saul nug aum. “Genab, da hipunin hemi. Aɗinu? Da Yawenu haknunab anak, amu na oɗen ele dim ii lamidmi. Da dahilad daup baɗadmi amunu, da ahilag nai dim lamidmi,

1 Samuel 15:24 ပူးပေါင်းရင်းမြစ်များ

Genesis 3:12

Yawe Kayak Nug anam oɗ mette amu, danab nug aum. “Ah imu na da meɗame amu, nug ad meu meɗe lami,” awa aum.

Genesis 3:17

Yawe Kayak Nug anam awowa, nug eɗua Adam amegppa aum. “Na waatnu nai dim lamidna, ad meu aa ii lamayanunab ami ele lame amunu, na beɗunppa wan am eheɗ laa awaknu anak waappa daatte. Anam daatte amunu, na haen oh ee aokkutnu uɗat okkai guittak ele hekkut.

2 Samuel 12:13

Natan nug anam Dawit amegppa a, Dawit nug aum. “Da Yawe, nuhigppa hipunin aakku hemi,” awa aum. Awa a amu, Natan nug ⌊Dawit nug oo eɗua auta autanab awe doya, nug⌋ aum. “Yawe Nug hipunin nahip aakku uhuqa mettom. Na ii mauhmana,

Sam 51:4

Da hipunin na, nahip-ppanab hemi. Ge, da nahip neekkakppa eheɗ hemi. ⌊Amu genab, da hipunin laa dilagppa hein, ahilagnu eheɗ hemi, amge diigppanab⌋ da hipunin nahip-ppa hemi. Ge, da nahip neekkakppa eheɗ hemi. Da hipunin hemi amunu, na Kayak, haen na dahilnu, “Na hipunin heme,” attem am, na tutukkuib attem. Yo, haen na da hettoɗiakppa meiɗna, na kobol tutukkuib hettem.

Eksodas 10:16

Tap-lokus ag anam heeg, Paro nug paha Moses, Aron ele gumidya uɗiglahnu nai me ukkom. Me ukke, aa uɗieh amu, nug aa amelahppa inam aum. “Da Yawe, ahilag Kayak, da nuhigppa hipunin heinne, ahilahppa ele hipunin hemi.

Eksodas 23:2

Danab kuɗum ag kobol eheɗ hekkulagnu dayeb amu, ag laa ag ahilag kobol amu aib dim lamidppig! Aria, haen danab kuɗum ag hettoɗiakppa ahan, nai doya mala hettoɗia epeɗia elele mettaknu kobol heppeg na qekkunu nai kuɗum madippeg amu, ag laa, ag amu dilag nai am aib dim lamidppig! ⌊Iitta. Ag nai tutukku aakkuib mattieg!⌋

Eksodas 9:27

Ais anam neene, Paro nug Moses, Aron ele, aa gumidya gokkulahnu nai me ukke, aa gumidya ukkaeh, Paro nug aa amelahppa inam aum. “Da nai tappai ne, hipunin hemi. Yawe Nug am kobol tutukku hette, amge da, dahilad danab ah ele amu, ig eheɗ hettem.

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.

Jeremaia 38:5

Ag anam aeg, King Sedekaia nug aum. “Nug ag eppelagppa daatte. Da ahilag ib oo nekkulnu elele iitta amunu, ag keeke hekkulagnu oolag hette amu, ag hekkulag,” awa aum.

Namba 22:34

Engel anam a amu, Balam nug Yawenu engel amegppa aum. “Da hipunin qemi. Aɗinu? Na da eheɗ hepanu ibppa daanna, dahil ib keldona daame amu, da ii doomi. Gemu, na da gokkulnu ootppa ena ii doottem dayeb amu, da eɗue gokkul,” awa aum.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

1 Samuel 15:15

Samuel nug Saul anam oɗ mette, Saul nug aum. “Dahilad daup ag Amalek danab eppegppan aonna, ag aon uɗippig. Ag sipsip, makau enanag ele aqaeg ii mauhppig. Iitta. Ag amu hekkulagnu uun, ag doɗ amu Yawe, nahip Kayak, ag doɗ amu main, Nug mettaglagnu aon uɗippig, amge keeke laa oh amu, ig heut, am Yawenuib nuhig pelemppa daatteb,” awa aum.

1 Samuel 15:30

Samuel anam a, Saul nug aum. “Da hipunin hemi, amge dahilad danab ah Israel, amu dilag ikki danab, amu Israel laa oh ele, ag dahilnu eheɗ doomnanu, na ag noolagppa dahil nai imu dim lamidnana, amuppa na binal mekkutnu oɗ medattem. Dahil nai am inam. Da Kayak noobppa dup noin binag mekkulnu amu, na da ele oh eɗuɗ, Yawe, nahip Kayak, Nug binag mak abenppa goɗu!” awa aum.

1 Samuel 15:9

Saul, nuhikkud daup ele ag anam heppig, amge ag Agag qeeg ii mauhom; aria ag sipsip enanag, makau enanag, makau gaiɗ, balat ele enanag, amu sipsip gaiɗ, balat enanag ele, keeke laa oh ena dayom amu, ag amu ele heppeg, Yawenuib nuhig pelemppa daaglagnu uun, ag heeg, Yawenuib, pelemppa ii daappig. Ag doɗ ohnab, keeke laa ohnab ele heppeg, Yawenuib nuhig pelemppa daaglagnu uun, ag doɗ, o keeke nau, o doɗ, o keeke gai-iitta aakkuib, ag heeg, Yawenuib nuhig pelemppa daappig.

1 Samuel 2:29

Da amu mattami amunu, aɗinu na, amu na begapaɗ ele ag amunu elele iitta dabmenana, ag ofa iɗu iɗu, danab ah da meɗaglagnu ami ele amu, ag amunu, “Keeke hamunab,” doona, ag amunu maha ena laa ele aoglagnu hetteb? Eli na, amu na begapaɗ ele ag doɗ oh Israel danab ah ag manan, da meɗaglagnu aon uɗitteb ele amu, ag doɗ amu ohnu teppu maha enanag laa, ag amu aoglagnu ii ami ele amu, ag teppu maha amu ele aon lanana, ag titiɗna malappig. Amuppa, Eli na, na begapaɗ dilahnu binalah okkai doona, dahilnu am binal okkai iitta doottem. Aɗinu na anam hettem?’

1 Samuel 26:21

Dawit nug anam a, Saul nug aum. “Da hipunin hemi. O Dawit, na da bekkal, da baula eɗue nahip-ppa eheɗ ii hepa amunu, na eɗun uɗippe, da ele daagnihnu oɗ medattem. Aɗinu? Gemu na dahil bau dayak am keeke okkai dabmeme. Genab, da Kayak ii dabmein, ii dim lamidttitti, kobol dahil am elele iittanab iitta.” Nug anam aum.