1 Samuel 15:20 - Nobonob Baibel

²⁰ Samuel nug anam a amu, Saul nug aum. “Iitta! Da Yawe oɗe dim lamidmi. Da Yawe Nug da aɗi hekkulnu aum amu, da ukken hemi. Da Amalek danab ah aɗi, amu ahilkad keeke oh ele hei, am Yawenuib nuhig pelemppa daatteb, amu da ahilag king, Agag, da nug awe uɗimi.

1 Samuel 15:20 ပူးပေါင်းရင်းမြစ်များ

Job 33:9

Na inam ame. ‘Da oolppa oppiak ele daattem. Oolppa hipunin laa ii daatte. Ge, da oppiaawak daaiyi, aab nakok laa da beɗulppa ii daatte.

Job 34:5

Job nug atte. ‘Da beɗulppa aab iitta, amge Kayak Nug dahilnu nai doya mala hettoɗia epeɗia elele mettak kobol ii dim lamitta, bu aakku diig iittappa da meɗatte.

Job 35:2

“Job na inam attem. ‘Dahil genab tutukku hak kobol am Kayaknu eɗidtte,’ aon attem. Amge amuam mattiak tutukkute?

Job 40:8

Na da nai doya mala hettoɗia epeɗia elele mettak kobol ii dim lamidttemnu dabmena attemte? Ao, na nakka na hena, genab tutukku hak danab daakkutnu, na da naippa yaaiɗkkutte?

Matyu 19:20

Awa a amu nid bau aum. “Da ɗo amu oh dim lamitti uɗie, gemu ele anamib hettem, amge da aɗi laa hekkul?” awa aum.

Luk 10:29

Nug anam aum, amge ɗo doyak danab nug nukka onig ena daakkunu ha, nug Jesus oɗ metta aum. “Am dahil mudippan laippu am aun?” oɗ mettom.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

1 Samuel 15:13

Amu Samuel nug nai amu doya, nug Saul dim lamitta ukka te, Saul nug Samuel amegppa aum. “Yawe Nug na itidkkunu ool daatte. Da Yawenu nai aakku dim lamitten, Nug da aɗi hekkulnu aum amu, da aakku hemi,” awa aum.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

1 Samuel 15:8

Ag anam hena, Saul nug Amalek dilag king Agag aɗa, maniguitte, bau dayeye, Israel ag qep elabppa heeg, Amalek danab ah aɗi laa oh ag Yawenuib nuhig pelemppa daappig.

1 Samuel 28:18

Yawe Nug Amalek dilagnu oppoɗi bak okkai doya, Nug na gona, ahilagppa aɗi hekkutnu na amenppa aum, amge na nai amu tippalna, Nug aum bia na ii heme amunu, Yawe Nug gemu danab ah gumaknu ehah na eppenppanu aakku aɗidtte.